Author: Kay Zue

စစ်ဖီးရှောင်(၂)

• ဆောင်းပါး
• လူ့အခွင့်အရေး

စစ်ဖီးရှောင်ဆိုစာသျှစ်သောင်းပွဲလားရေပွဲကြည့်လာလူမဟုတ်လို့စျီးဝယ်ဖို့ဖေသာမပါအဝတ်အစားမပါအစားအသောက်မပါလက်ဗလာနန့်မှီရေလက်ကိုဆွဲလို့အသက်လု ဗြီးခရရေ။ လီထက်ပျံဝဲနိန်ရေလူသားစားငှက်ချီးစိုက်ချတိုင်းကိုယ်လက်အဂ်ါနန့်အသက်နိ့စိုင်ရက်ဆက်ပီးဆပ်နိန်ကတ်ရရေ။ နွီရာသီဆိုလေ့ပူလွန်းလို့မိုးရာသီဆိုလေ့ မိုးယိုလို့ဆောင်းရာသီဆိုလေ့ချမ်းလွန်းလို့ သဘာဝဒဏ်ကိုအံတုပနာအလှူရှင်တိပီးလာဖို့ထမင်းထုပ်နန့်အချေအငယ်တိဝမ်းဝဖို့အကျန်စားခရရေနိန့်ရက်ပေါင်းမနည်းယာ။ ဆီးဝါးဆိုကေ့လေ့ဒေါ်နု ထွန်းရွှေဝါမမြင်ဖူးစာတောင်ကြာယာအပူယော့တလုံးမြိုလို့ရင်တွင်းအပူငြိမ်းဖိုဆိုကေအမ်းလမ်းကိုဖြတ်ရိုးမကိုကျော် ဟိုဘက်မှာဆီးဝါးပေါရေဆိုမလားတခေါက်လားလို့ရှာချင်ရေ။ သားသ္မီးငတ်နေစာထိုင်ကြည့်နိန်ရရေမိဘသားသ္မီးနေမကောင်းဟာငိုင်ပနာကြည့်နိန်ရရေမိဘသူရို့ရင်တွင်း ဝင်ကြည့်ကတ်ထမင်းနပ်မှန်ဖို့တောင်မသေချာရေနိ့ရက်တိမှာဗာဟီယ ကိစ္စအသာထားဒေနာကျင်မှုကိုအနာဂျင်စီသောက်လို့ပျောက်ပစ်ချင်ရေ။ ဒေမိုးခါသားတောင်ပို့မှိုရှာစားဖို့လူမရှိ။ကြာတန်နန့်ငယက်ရောချက်စားဖို့ငါးရှာဖို့လူမရှိငပိခခြူနန့်ငရုပ်သီးတခွက်ကျွဲချပက်လောက်ဇာသူကြိတ်စားနိုင်ဖို့လဲ။ မြောင်နားတလျှောက်ခရုချေကောက်ဖို့ဇာသူလမ်းလျှောက်ရဲဖို့လဲ။ယကေလေ့သော့သားသ္မီးငိုစာ မမြင်သာကေထွက်ပနာရှာခိုက်မိုင်းနင်းလိုက်ကေအဖော်မပါ ဇာနေရာမှန်းမသိပေါက်ကွဲသံကြားလူများလိုက်ရှာတွီ့ပါဗျာလ်ထော။ ဝမ်းရီးအတွက်ခြီတဖက်ထားခရရေဝမ်းရီးအတွက်လက်တဖက်ထားခရရေဝမ်းရီးအတွက်အသက်ကိုထားခရရေ။မျိုးဇော်သိန်းအသည်းကြွီမြို့