ပွိုင့် ၆၆၆ စခန်းတိုက်ပွဲ ကို AA ရဲ့ အထူးလေ့ကျင့်ထားတဲ့ ကွန်မန်ဒိုတပ်ဖွဲ့တွေ ဦးဆောင်နေပြီး တက်လာတဲ့ စစ်ကြောင်းတွေ ကို အထိုင်ကနေ ချေမှုန်းနေတယ်လို့ သတင်းရရှိပါတယ်။

ဇန်နဝါရီ ၃ ရက်နေ့မှာ ပွိုင့် ၆၆၆ ကို စစ်ကြောင်းထိုးလာတဲ့ စစ်ကြောင်းကို ကွန်မန်ဒိုတွေက တိုက်ခိုက်ခဲ့ပြီး ၊ စစ်ကြောင်းမှူး ဗိုလ်မှူးကြီး ဟန်လင်းအောင် နဲ့ တကွ တပ်သား ၄၀ ကျော်သေဆုံးပါတယ်။

“စစ်ကြောင်းကို ဦးဆောင်လာသူ သေသွားပြီး စစ်ကြောင်းပြိုသွားတော့ လွတ်တဲ့ နေရာကိုပြေးကြတယ်၊ လက်ရ ဖမ်းဆီးရမိသူတွေလည်းရှိတယ်၊ လက်နက်တွေလည်း အမြောက်အများသိမ်းဆည်းမိပါတယ်” လို့ စစ်ရေးသတင်းရင်းမြစ်က ပြောပါတယ်။

ဇန်နဝါရီလ ၃ ရက်နေ့က ပန်းတောင်းမြို့နယ်ထဲ ကို ပို့လွှတ်ခဲ့တဲ့ စစ်ကြောင်းကို အဲ့ဒီကွန်မန်ဒိုတပ်ဖွဲ့ နဲ့ အတူ တော်လှန်ရေးပူးပေါင်းတပ်တွေဟာ တစ်ရက်ကျော်ကြာ ချေမှုန်းခဲ့တယ်လို့ သိရပါတယ်။

ပွိုင့် ၆၆၆ စခန်းဟာ နတ်ရေကန်ဗျူဟာ ကို အပြီးသတ်သိမ်းပိုက်နိုင်ရေးအတွက် ၊ အရေးပါတဲ့ စခန်းတစ်ခု ဖြစ်ပါတယ်။

နတ်ရေကန်ဗျူဟာ စခန်းဟာ စခန်းကို သိမ်းပိုက်ဖို့ AA နဲ့ တော်လှန်ရေးတပ်ဖွဲ့တွေက ၂၀၂၅ နှစ်စ ကတည်း က ကြိုးပမ်းနေတာဖြစ်ပါတယ်။

စစ်ကော်မရှင်ဘက်က စစ်ကြောင်းတစ်ခုပြီးတစ်ခု ကို တပ်မမှူး ဗိုလ်မှူးအဆင့်တွေ ဦးဆောင်ပို့လွှတ်ခဲ့ပြီး အရာရှိတွေနဲ့ အတူ ရာနဲ့ချီတဲ့ တပ်သားတွေ ကို စွန့်လွှတ်ထားတာဖြစ်ပါတယ်။

အဲ့ဒီ ပွိုင့် ၆၆၆ မှာ ကျဆုံးသွားတဲ့ တပ်မမှူး ဗိုလ်မှူးဝေယံလင်းကို ဇန်နဝါရီ ၄ ရက်က သီဟသူရဘွဲ့ပေးအပ်ထားသလို၊ တပ်သားတွေကိုလည်း အသေခံ ဖို့ အမိန့်ပေးထားတယ်လို့ ဆိုပါတယ်။

နတ်ရေကန် ၊ ဂုတ်ကြီး ၊ ပွိုင့် ၆၆၆ ၊ ဆင်လန်လေလံတောင် စတဲ့ စခန်းတွေဟာ ညောင်ကျိုးမြို့နယ်ထဲက စစ်ကော်မရှင်ရဲ့ လက်နက်စက်ရုံတွေကို ကာရံထားတဲ့ ကာကင်းစခန်းကြီးတွေ ဖြစ်ပါတယ်။

လေးဝတီ FM