စစ်ကောင်စီဟာ အကူအညီမဲ့နေတဲ့ အမ်းမြို့ က နပခ ဌာနချုပ်ကို စစ်ကူပို့နိုင်ဖို့ အမ်းမြို့နဲ့ မလှမ်းမကမ်းမှာရှိတဲ့ နတ်ရေကန်တောင်မှာ
ဗျူဟာကုန်းတစ်ခု အထိုင်ချပြီး စစ်ကြောင်းတွေကို စုနေတယ်လို့ သတင်းရရှိပါတယ်။
အမ်း နပခဌာနချုပ်ကို အဝေးက ပြန်လည်ထိုးစစ်ဆင်ဖို့ အမ်းမြို့ အနီးက နတ်ရေကန်တောင်မှာ လေကြောင်း ၊ခြေလျှင် ၊ စစ်ကားတွေက နဲ့ စုဝေးရောက်ရှိလာတဲ့ စစ်ကြောင်းနှစ်ခု သုံးခု ကို စုစည်းနေတယ်လို့ ဆိုပါတယ်။
“စစ်ကောင်စီက အခု အမ်းကိုတိုက်ရိုက်စစ်ကြောင်းမသွားဘူး။ မကွေးက လာရင် ပဒန်းအမြောက်ကြီး တပ် ကိုဝင်တယ်။ ပြီးမှတဆင့် ကမြင်းကံဂိတ် ကို သွားတယ်။ ကမြင်းကံဂိတ် ကျော်ရင် တရုတ်ပိုက်လိုင်းအတိုင်း ခြေလျှင်လျောက်တယ်။ အခုကနတ်ရေကန်တောင် မှာအထိုင်ချနေကြတယ်။ ” လို့ စစ်ရေးသတင်းရင်းမြစ်က ပြောပါတယ်။
စစ်ကောင်စီဟာ နတ်ရေကန်ဂိတ်တောင် ပေါ်မှာ ဒီဇင်ဘာ ၈ ရက်က စတင်ပြီး စခန်းချကာ ဗျူဟာကုန်းတစ်ခုလိုပြန်လည် ပြင်ဆင်နေတယ်လို့ ဆိုပါတယ်။
“အဲ့ဒီ တောင်ကုန်းကနေ ဒရုန်းအကြီးစားတွေလွှတ်တယ် စစ်ကြောင်းအနေ နဲ့ တော့မလာသေးဘူး ၊ နပခ ကို ပြန်ရဖို့ အဝေးက စစ်ဆင်ရေးပြန်လုပ်နေရပြီ” လို့ စစ်ရေးသတင်းရင်းမြစ်က ပြောပါတယ်။
တဖက်မှာလည်း အာရက္ခတပ်တော်က နပခဌာနချုပ် ကို အပြင်းအထန်ထိုးစစ်ဆင်နေသလို ၊ ဌာနချုပ်အထဲက တပ်သားတွေကိုလက်နက်ချဖို့ လော်စပီကာနဲ့ အသိပေးနေတယ် လို့ စစ်ရေးသတင်းရင်းမြစ်က ပြောပါတယ်။
” မနေ့ညကဆိုAAကလော်စပီကာနဲ့လက်နက်ချဖို့ သတိပေးတယ်။ အဆင်ပြေပုံမရဘူး။ ဒီမနက်မှာတော့တိုက်ပွဲကပြင်းထန်နေတယ်
စစ်ကောင်စီလေကြောင်း၊ဂျက်ဖိုက်တာ၊ Y8 ၊Y12 ၊ ဟိုက်စကီးဖိုက်တာတို့နဲ့ပါအသကုန်တိုက်ခိုက်နေတယ်” လို့ နောက်ထပ် သတင်းရင်းမြစ် တစ်ဉီးက ပြောပါတယ်။
အနောက်ပိုင်းတိုင်း စစ်ဌာနချုပ်ဟာ ရခိုင်ပြည်ရဲ့ အကြီးဆုံးတိုင်းစစ်ဌာနချုပ်ကြီးဖြစ်ပြီး တပ်ရင်း တပ်မ သုံးဆယ်ကျော်ကိုအာရက္ခတပ်တော်က သိမ်းပိုက်ထားတာဖြစ်ပါတယ်။
အစဥ္စန လီညှင်း(LAywaddy FM)ရေးသည်။
