ရခိုင်ပြည် ကျောက်ဖြူမြို့ မဒေးကျွန်းမှာ ရှိတဲ့ တရုတ် အစိုးရပိုင် စီမံကိန်းတွေ ကို ကာကွယ်ဖို့ တရုတ် လုံခြုံရေး ( ၃၀၀) နဲ့ စစ်ကောင်စီ တပ်သား( ၅၀၀ )ကျော်ကို ကျွန်းတစ်ခုလုံးမှာ နေရာချထားတယ်လို့ ဒေသခံသတင်းရင်းမြစ် က လေးဝတီ FM ကို ပြောပါတယ်။
ကျောက်ဖြူမြို့ နယ် က တရုတ်စီမံကိန်းအဆောက်အအုံတွေ တည်ဆောက်ထားတဲ့ မဒေးကျွန်းမှာ အဲ့ဒီလုံခြုံရေး တပ်ဖွဲ့တွေကို ချထားပြီး ရေတပ်ကလည်း ကျွန်းပတ်ပတ်လည် ကို အချိန်ပြည့် ကင်းလှည့်လျှက်ရှိတယ် လို့ ဆိုပါတယ်။
” ရေနံလှောင်ကန်တွေရှိတဲ့ ဝန်းထဲမှာ ကုမ္ပဏီဘက်က ငှားထားတဲ့ လုံခြုံရေး ၃၀၀ နဲ့ ဝန်းအပြင် ကျွန်းပေါ်မှာစစ်ကောင်စီ ၅၀၀ ကျော်ချထားပါတယ်” လို့ သတင်းရင်းမြစ်က လေးဝတီ FM ကို ပြောပါတယ်။
မဒေးကျွန်းပေါ်မှာ China National Petroleum Corporation (CNPC) ကုမ္ပဏီဝန်း ရဲ့ စီမံကိန်းအဆောက်အအုံဝန်းတွေထဲမှာ တရုတ်ဘက်က လုံခြုံရေး တပ်တွေ နေရာယူထားတာဖြစ်တယ်လို့ သိရပါတယ်။
“တိုက်ပွဲဖြစ်လာတဲ့အခါ သူတို့ ဝန်ထမ်းတွေကို ကာကွယ်ဖို့လို့ သတင်းလွှင့်ထားတယ် “ လို့ နောက်ထပ်သတင်းရင်းမြစ်တစ်ဦးက ပြောပါတယ် ။
တရုတ်စီမံကိန်း ဧရိယာတွေ အတွင်းမှာ အနီရောင်တရုတ် အမှတ်အသားတွေစိုက်ထူထားပြီး မည်သူမှ ကျူးကျော်ဝင်ရောက်လို့မရအောင်တားမြစ်ထားတယ်လို့ ဆိုပါတယ်။
မဒေးကျွန်းမှာ ရှိတဲ့ (CNPC) ကုမ္ပဏီဝန်းထဲမှာ ရေနံလှောင်ကန်များ၊ သဘာဝဓာတ်ငွေ့ သန့်စင်သည့် အဆောက်အအုံများ နဲ့ တခြားစီမံကိန်းအတွက် လိုအပ်တဲ့ အဆောက်အအုံတွေကို ဧက ရာချီမှာ ဆောက်လုပ်ထားတာဖြစ်ပါတယ်။
တရုတ်၊ အိန္ဒိယ နဲ့ မြန်မာအစိုးရ တို့ ပူးပေါင်းအကောင်အထည်ဖော်မယ့် ရေနက်ဆိပ်ကမ်းစီမံကိန်း ၊ အထူးစီးပွားရေးဇုံ နဲ့ ဂက်(စ) ပိုက်လိုင်းတို့ ဟာ ကျောက်ဖြူ မြို့နယ် မှာ တည်ရှိကြတာဖြစ်ပါတယ်။
Lemon (Laywaddy fm)
