(ရေနံ့သာဂိတ်မှ ဖြတ်သန်းခွင့်မပေးသဖြင့် လူအများပိတ်မိနေ)

ရခိုင်ပြည် သံတွဲ နဲ့ငပလီမြို့က ဒေသခံပြည်သူတွေဟာ အာရက္ခတပ်တော်
နဲ့ စစ်ကောင်စီတို့ရဲ့ တိုက်ပွဲ တွေ ကြောင့် ရခိုင်ရိုးမကို ကျော်ဖြတ်ပြီး ထွက်ပြေးတိမ်းရှောင်နေပြီး သံတွဲမြို့သို့ ပြန်လည်၀◌င်ရောက်နေထိုင်ဖို့ လာရောက်နေကြပြီလို့ လေး၀တီ FM နယ်မြေခံ သတင်းထောက်က သတင်း ပေးပို့လာပါတယ်။

အဲ့ဒီလို နေရပ်ကို ပြန်လည် ၀◌င်ရောက်လာကြတဲ့ သံတွဲမြို က စစ်ရှောင်ဒေသခံတွေဟာ ရခိုင်ရိုးမကိုုပြန်လည်ဖြတ်ကျော်တဲ့အခါ မှာ ဖြတ်သန်းရတဲ့ စစ်ကောင်စီ ရဲ့ ရိုးအဆင်းက ရေနံ့သာဂိတ်က ပေးမဖြတ်တဲ့အတွက် ကား ၊ ဆိုက်ကယ် များစွာဟာ အဲ့ဒီ ဂိတ်မှာ ပိတ်မိနေတယ်လို့ သိရပါတယ်။

“ဒီမှာလည်း နေရတာ အဆင်မပြေ။ အလုပ်အကိုင်ကလည်း မရှိ၊ နေစရာတွေကလည်း စျေးကြီးတော့ ငတ်မယ့်အတူတူ ကိုယ်မြို့မှာပဲ အငတ်ခံတော့မယ်ဆိုပြီး ပြန်လာတာ။ မှတ်ပုံတင်မှာ သတန လို့ပါရင်ကို ပေးမဖြတ်ဘူး” လို့ ဧရာဝတီတိုင်း လေးမျက်နှာမြို့တွင် ခေတ္တတိမ်းရှောင်နေသူ သံတွဲမြို့ဒေသခံတစ်ဦးက ဆိုပါတယ်။

ဧရာဝတီတိုင်းကနေ ရခိုင်ပြည်သို့ ဝင်ရောက်ရာလမ်းပေါ် ရှိ ရေနံ့သာလမ်းဆုံ နှင့် ဂွတောင်ကြား လမ်းအဆင်း ရခိုင်ပြည်နယ်ဘက်ခြမ်း၊ ဂွမြို့အဝင် စစ်ဆေးရေးဂိတ်များတွင် ယခုကဲ့ ကန့်သတ်ထားခြင်းဖြစ်ကြောင်း သိရပါတယ်။

“နေစာရိတ် စားစာရိတ်တွေက အဆမတန် ကြီးလာတယ်။ မိသားစုစားဝတ်နေရေးအတွက် တောင့်မခံနိုင်တော့ဘူး။ အဲဒါနဲ့ ရှိတာလေး ရောင်းချပြီး ပြန်လာတာ။ အခု ရေနံ့သာဂိတ်မှာ သောင်တင်နေတယ်” လို့ ရန်ကုန်မြို့တွင် ခေတ္တတိမ်းရှောင်နေသူ ငပလီမြို့ဒေသခံတစ်ဦးက ဆိုပါတယ်။

စစ်ကောင်စီသည် သံတွဲမှတ်ပုံတင် ကိုင်ဆောင်ထားသူများကိုသာ ရခိုင်ပြည်သို့ ပြန်ဝင်ခွင့် ကန့်သတ်ထားခြင်းဖြစ်ပြီး ဂွမြို့နယ် မှတ်ပုံတင်နှင့် အခြားမြို့နယ် မှတ်ပုံတင် ကိုင်ဆောင်ထားသူများကို ထောက်ခံစာအဆင့်ဆင့်ဖြင့် ဝင်ခွင့်ပြု သိရပါတယ်။

ရခိုင်ပြည် သံတွဲမြို့သည် ဂွမြို့မှ မိုင် ၈၀ကျော် အကွာတွင် တည်ရှိပြီး ဂွ၊ ဆတ်သွား၊ ကျိန္တလီမြို့တို့ကို ဖြတ်သန်းပြီးမှသာ သံတွဲမြို့သို့ ဆက်လက် သွားရောက်နိုင်မှာ ဖြစ်ပါတယ်။

အာရက္ခတပ်တော် နှင့် စစ်ကောင်စီတို့ တိုက်ပွဲများပြင်းထန်နေသည့် ရခိုင်ပြည် သံတွဲ၊ ကျိန္တလီ နှင့် ဂွမြို့နယ်တို့မှ ပြည်သူများသည် ဧရာဝတီ၊ ပဲခူး နှင့် ရန်ကုန်တိုင်းများသို့ စစ်ရှောင်နေကြပြီး၊ ငွေကြေးမတတ်နိုင်သည့် ဒေသခံအချို့မှာ သံတွဲ နှင့် ဂွမြို့နယ်ကြား က နေရာတွေမှာစစ်ဘေးရှောင်နေကြရပါတယ်။