နတ်ရေကန်တောင် လေကြောင်းရန်ကာကွယ်ရေးစခန်းက လွှတ်တင်လိုက်တဲ့ တိုက်ခိုက်ရေး ဒရုန်းအကြီးစားတစ်စင်းကို ဒီဇင်ဘာ ၈ ရက် ညနေပိုင်းမှာ AA ကဖျက်ချလိုက်နိုင်တယ်လို့ သတင်းရရှိပါတယ်။
ဒီဇင်ဘာ ၈ ရက်က အမ်း-ပန်းဒန်းလမ်းပိုင်း ဂုတ်ကြီးကျေးရွာ အနီး AA ထိန်းချုပ်နေရာကို ကင်းထောက်ဒရုန်းတက်လာပြီးနောက် ၊
တိုက်ခိုက်ရေးဒရုန်းတစင်း ခဲယမ်းအစုံနဲ့ တက်လာချိန် AA ဘက်က ဖျက်ချခဲ့တာ လို့ သတင်းရင်းမြစ်က ပြောပါတယ်။
“မနေ့ညက ညနေအချိန်ခန့်မှာ ဖျက်ချလိုက်တာပါ ဂုတ်ကြီးရွာအကျော်က တောင်ဖက်ကျသွားပြီး ပေါက်ကွဲသွားတယ်”လို့ လေးဝတီFM ကို ပြောပါတယ်။
အမ်း-ပဒန်းလမ်းပိုင်းပေါ်က အာရက္ခတပ်တော်ထိန်းချုပ်ထားတဲ့ ဂုတ်ကြီး ၊လင်းတဲ ၊ ဗဇီ ကျေးရွာတွေ နည်းပညာမြင့် ဒရုန်းအကြီးစားတွေနဲ့ နေ့စဉ် တိုက်ခိုက်နေရာကနေ AA ဘက်ကလည်း အခုလို ပြန်လည်ဖျက်ချခဲ့တာဖြစ်ပါတယ်။
လနဲ့ချီ ပိတ်မိနေတဲ့ နတ်ရေကန်ဗျုဟာစခန်းကို လမ်းဟောင်း၊ လမ်းသစ် နှစ်မျိုးလုံးသုံးကာ မြေပြင်ထိုးစစ်တွေနဲ့ ထိုးဖောက်နေပေမယ့် အကြိမ်ကြိမ် တပ်လန်နေတာဖြစ်ပါတယ်။
“ထိုးစစ်က မနိုင်တော့ ဗဇီရွာ၊ဂုတ်ကြီးရွာ အပါအကုန်လေကြောင်းကနေတိုက်ခိုက်တယ်၊လက်နက်ကြီးပစ်ကူတယ်” လို့ ဒေသခံသတင်းရင်းမြစ်ကပြောပါတယ်။
ငဖဲမြို့နယ် ဇင်ပြွန်းရွာစခန်းမှာ လက်နက်ကြီးအမြှောက်တပ်နဲ့ ဒရုန်းတပ်တို့ အထိုင်ချထားတဲ့ စစ်ကော်မရှင်ဟာ အာရက္ခတပ်တော်ထိန်းချုပ်ထားတဲ့
ရခိုင်ရိုးမပေါ်က စခန်းတွေကို နေ့စဉ် လေကြောင်းက တိုက်ခိုက်နေတာဖြစ်ပါတယ်။
တစ်ဖက်မှာလည်း AA မှပိတ်ဆို့ထားမူကြောင့် နတ်ရေကန်ဗျူဟာစခန်းက စစ်ကော်မရှင်အကြွင်းအကျန်တွေကို နိုဝင်ဘာလကစပြီး
Y8 လေယဉ်အမျိုးစားနဲ့ ရက္ခာထမင်းထုတ်တွေ နေ့စဉ်ပို့ဆောင်နေရတယ်လို့ မြေပြင်သတင်းရင်းမြစ်တွေက ပြောပါတယ်။
လေးဝတီfm
