ရခိုင်ပြည် ကျောက်ဖြူအခြေစိုက် ဓည၀တီရေတပ်ဌာနချုပ်ကို ဖေဖော်ဝါရီလ ၂၂ ရက်မနက်ပိုင်းမှာ AA ဘက်ကက တိုက်ခိုက်ခဲ့တယ်လို့ သတင်းရရှိပါတယ်။
စစ်ကောင်စီရေတပ် တိုက်ခိုက်ခံရပြီးနောက်မှာ ရေတပ်ဌာနချုပ်အနီးက ကျေးရွာတွေကို စစ်ကောင်စီဘက်က လက်နက်ကြီးလက်နက်ငယ်တွေနဲ့ ပစ်ခတ်နေတယ်လို့ ဒေသခံသတင်းရင်းမြစ်က ပြောပါတယ်။
“မနေ့ည က AA ဘက်က ရေတပ်ကို ပစ်ခတ်သံက မိုးထအချိန်ပြီးသွားတယ် ၊ စကစဘက်က လေယာဉ် နဲ့ အဲ့ဒီဝန်းကျင်ကိုလာပစ်တယ်၊ပြီးတော့ ဓည၀တီစခန်း က လက်နက်ကြီး တွေ ဒရုန်းတွေနဲ့ ကျောက်ဖြူ မဒေးကျွန်း ပတ်လည်က ရွာတွေကို ပစ်နေတာ တနေကုန်ပဲ “ လို့ စစ်ပွဲတိမ်းရှောင်ဖို့ ထွက်ခွာလာသူ က လေးဝတီ FM ကို ပြောပါတယ်။
သစ်ပုတ်တောင်တိုက်နယ် ဓညဝတီရေတပ်ဌာနချုပ်အနီး က သပြေကျေးရွာ ၊ စည်မော်ကျေးရွာ ၊ ရှောက်ချောင်းကျေးရွာနဲ့ ပျားတဲ ကျေးရွာ တို့က ဒေသခံတွေဟာ လတ်တလောမှာ ဘေးလွတ်ရာကို ရွေ့ပြောင်း နေကြတယ်လို့ ဆိုပါတယ်။
ကျောက်ဖြူမြို့နယ်ထဲမှာ အာရက္ခတပ်တော် AA နဲ့ စစ်ကောင်စီ တို့ တိုက်ပွဲတချို့ဖြစ်ပွားလျှက်ရှိပါတယ်။
ကျောက်ဖြူ ရဲတပ်ရင်း ၃၂ က ဆင်းလာတဲ့ အင်အား ၇၀ ပါတဲ့ စစ်ကြောင်းတစ်ခုကို ဖေဖော်၀ါရီ ၂၁ နေ့လည်ပိုင်းမှာ AA က ကြားဖြတ်တိုက်ခိုက်ခဲ့လို့ လူ စစ်ကောင်စီ ၁၀ ဦးထက်မနည်းသေဆုံးခဲ့တယ်လို့ စစ်ရေးသတင်းရင်းမြစ် က အတည်ပြုပါတယ်။
“အခုကတိုက်ပွဲကစနေပြီဖြစ်လို့ လေကြောင်းကို ကြောက်နေရတယ် ၊ ပြီးတော့အဖမ်းအဆီးကိုလည်း တော်တော်သတိထားနေရတယ် ၊ စစ်ဘေးရှောင်ထွက်တဲ့လူတွေလည်း ဖမ်းခံရတယ်” လို့ သတင်းရင်းမြစ်က ပြောပါတယ်။
ကျောက်ဖြူမြို့နယ် တဝိုက်က ကျေးရွာအချို့မှာ တိုက်ပွဲငယ်တွေ ခတ်စိတ်စိတ်ဖြစ်လာပြီး ဒေသခံတွေ ဟာ ကျေးရွာတွေမှာ ပိတ်မိနေတဲ့ အခြေအနေ ဖြစ်ပါတယ်။
အမ်းချောင်းသူ
လေး၀တီFM
