ကျောက်ဖြူမြို့နယ် ၊ဓညဝတီရေတပ်ဌာနချုပ် အနီးက ဦးကင်းကျေးရွာ အနီးကို စစ်ကြောင်းထိုးလာတဲ့ စစ်ကောင်စီတပ်ကို AA ဘက်ကကြားဖြတ်တိုက်ခိုက်ခဲ့ပြီး တပ်သား ၃၀ ကျော် သေဆုံးခဲ့တယ်လို့ သတင်းရရှိပါတယ်။
ဦးကင်းကျေးရွာဟာ သစ်ပုတ်တောင် သို့ သွားရာလမ်းပိုင်းပေါ်မှာရှိပြီး မတ်လ ၆ ရက်ညပိုင်း က စစ်ကောင်စီဟာ အဲ့ဒီကျေးရွာကို လေကြောင်းက ရော ၊ မြေပြင် စစ်ကြောင်းက ပါ ဝင်ရောက်မီးရှို့ ခဲ့တယ် လို့ သတင်းရရှိပါတယ်။
“မနေ့ညကနေ့လည် ၁ နာရီကျော်မှာဒရုန်းဗုံး ၂ကြိမ်ရွာထဲကိုချတယ်အိမ်တွေမီးလောင်တယ်၊ ၃နာရီကျော်မှာ စကစတွေလာပြီးမီးတိုက်တယ် ၊ အဲ့ဒီစစ်ကြောင်းကို AA ဘက်က ဝင်တိုက်တာပါ “ လို့ သတင်းရင်းမြစ်က ပြောပါတယ်။
ကျောက်ဖြူရေတပ် အနီးဝန်းကျင်မှာရှိတဲ့ ကျေးရွာတွေကို ဒရုန်းနဲ့ တိုက်ခိုက်တာတွေ ၊ ရွာလုံးကျွတ်မီးတိုက်တာတွေ ပြလုပ်ပြီးနောက် စစ်ကောင်စီဟာ စစ်ကြောင်းထိုးစီးနင်းခဲ့ခြင်းဖြစ်ပါတယ်။
အဲ့ဒီစစ်ကြောင်းကို အာရက္ခတပ်တော်ဘက်က ဝင်တိုက်ရာက တိုက်ပွဲပြင်းပြင်းထန်ထန်ဖြစ်ပွားခဲ့ပြီး စစ်ကောင်စီ ၃၀ ကျော်သေဆုံးခဲ့တယ်လို့ သိရပါတယ်။
ဦးကင်းကျေးရွာအနီးမှာ တိုက်ပွဲပြင်းထန်နေပြီး စစ်ကောင်စီ ဘက်က အကျအဆုံးများနေသလို ၊ လေကြောင်းကလည်း အပြင်းအထန် ပစ်ကူပေးနေတယ်လို့ မြေပြင် စစ်ရေးသတင်းရင်းမြစ်က ဆိုပါတယ်။
“ဉီးဂင်းရွာပတ်ဝန်းကျင်ပါ တိုက်ပွဲကပြင်းနေတယ် စကစဖက်ကလက်နက်ကြီးဒရုန်းပစ်ကူပေးတာ က ဆူညံနေတယ်” လို့ ဒေသခံ သတင်းရင်းမြစ်က ပြောပါတယ်။
စစ်ကောင်စီဟာ အခုရက်ပိုင်းမှာဂုန်းချွိန်နဲ့ သစ်ပုတ်တောင်တိုက်နယ်တလျှောက်မှာရှိတဲ့ ကျေးရွာတွေကို မီးရှို့ဖျက်ဆီးခြင်း ၊ စစ်ကြောင်းထိုးခြင်းတို့ကို အင်အား အလုံးအရင်းနဲ့ ပြုလုပ်နေတာဖြစ်တယ်လို့ ဒေသခံတွေက ပြောကြပါတယ်။
အဲ့ဒီစစ်ကြောင်း ထိုးရာလမ်းပိုင်းတလျှောက်မှာရှိတဲ့ ကြတ်တိန်ကျေးရွာ ၊ ထောင့်ချောင်းကျေးရွာ ၊စည်မော်ကျေးရွာ ၊ ကုလဘာတောင်ကျေးရွာ အပါအဝင် နီးစပ်ကျေးရွာတွေဟာ တိုက်ပွဲတွင်းက နေ ရှောင်ထွက်နေရတာဖြစ်ပါတယ်။
အမ်းချောင်းသူ
လေး၀တီFM
