ရခိုင်ပြည်၊ ကျောက်ဖြူမြို့နယ်၊အမှတ် (၃၂)ရဲတပ်ရင်း ဘေးပတ်ဝန်းကျင်တွင်မှာဖြစ်ပွားနေတဲ့ တိုက်ပွဲအတွင်းမှာ စစ်ကောင်စီဖက် က အကျအဆုံးများပြားပြီး စစ်သုံ့ပန်းအချို့နဲ့လက်နက်ခဲယမ်းတချို့ကို AAသိမ်းဆည်းရမိထားတယ်လို့ သိရပါတယ်။
အမှတ်(၃၂)ရဲတပ်ရင်းအနီး ပြိုင်းစေ့ကေ့ နဲ့ နှမ်းဖဲတောင်ကြားက AA နဲ့ စစ်ကောင်စီတို့ဖြစ်နေတဲ့ တိုက်ပွဲအတွင်း စစ်ကောင်စီတပ်သားတွေအကျအဆုံးများပြီး စစ်သုံ့ပန်းအချို့နဲ့လက်နက်တချို့ကို (AA)ကသိမ်းဆည်းရမိထားတယ်လို့ ကျောက်ဖြူဒေသခံစစ်ရေးသတင်းရင်းမြစ်တစ် ယောက်က လေးဝတီ FMကိုပြောပါတယ်။
” စစ်ကောင်စီအလောင်းတွေ၊စစ်သုံ့ပန်းတွေ၊လက်နက်တွေရထားတယ်။ အများစုကတော့ ၃၂ ရဲတပ်ရင်းဖက်ကို ဆုတ်ခွာသွားကြတယ်။ တချို့ကတော့ အသေခံတိုက်တယ်” လို့ ပြောပါတယ်။
စစ်ကောင်စီဖက်က အာရက္ခတပ်တော်(AA) ရဲတပ်ရင်း(၃၂)ကိုထိုးစစ်မရောက်နိုင်အောင်ရှေ့ထွက်ပြီးအခုလိုထိုးစစ်ဆင်တိုက်ခိုက်နေပြီးအကျအရှုံးများပြားနေခြင်းတာဖြစ်တယ် လို့ ကျောက်ဖြူဒေသခံအမျိုးသားတစ်ယောက်က လေးဝတီFM ကိုပြောပါတယ်။
” အကျအဆုံးများနေပေမယ့် ထိုးစစ်ဆင်တိုက်တယ်။ ဒရုန်းပစ်ကူတွေလက်နက်ပစ်ကူတွေတော့ပါတယ်နောက်ပြီးနေဗီနဲ့အထိုင်တပ်တွေကလက်နက်ကြီးပစ်ကူတယ်” လို့ ဆိုပါတယ်။
ကျောက်ဖြူမှာတိုက်ပွဲတွေဟာ တရုတ်စီမံကိန်းရှိတဲ့ မလကျွန်းဧရိယာနဲ့ ရဲတပ်ရင်းအနီးအနားတွေမှာ အခုရက်ပိုင်း နေ့တိုင်းလိုလိုဖြစ်ပွားနေတာဖြစ်တယ်လို့ ဒေသခံတွေက ပြောပါတယ်။
ကျောက်ဖြူက တိုက်ပွဲတွေအထဲမှာအ ခြေစိုက်တပ်ရင်းတွေက ထုတ်နုတ်အင်အားတွေနဲ့ အတူ ထပ်မံ အင်အား ဖြည့်ထားတဲ့ စစ်ကောင်စီအင်အား အသစ်တွေနဲ့ AAကိုခုခံတိုက်ခိုက်နေပေမယ့် စစ်ကောင်စီဖက်က အထိနာနေတယ်လို့သိရပါတယ်။
အမ်းချောင်းသူ လေးဝတီFM
