ကျောက်ဖြူမြို့ နယ် အခြေစိုက် ခမရ ၅၄၃ ပတ်လည်မှာ စစ်ကောင်စီဘက်က မြေမြုပ်မှိုင်းတွေ ထောင်ထားပြီး တပ်တွင်းက အရေးကြီးပစ္စည်းတွေ ရွေ့ပြောင်းနေတယ်လို့ သတင်းရရှိပါတယ်။
အရေးကြီးပစွည်း တွေကို ဇွန်လ ၂၅ ရက်ကတည်းက ရွှေ့ပြောင်းပြီးတော့ တပ်တွင်းမှာ အစောင့်တပ်သား များသာချန်ထားခဲ့တယ် လို့ ဒေသတွင်းသတင်းရင်းမြစ်က ပြောပါတယ်။
“ခမရ ၅၄၃ က ဘာဆိုဘာမှမရှိတော့ဘူး အကုန်ရွှေ့သွားပြီ တပ်ထဲမှာက အစောင့်လောက်ဘဲကျန်နေတာပါ။ အခုက တပ်ထဲကို AA ၀င်လာမှာကြောက်လို့ အခုလိုမိူင်းတွေအများကြီးထောင်ထားတာပါ” လို့ ရှေ့တန်းစစ်ရေးသတင်းရင်းမြစ်က ပြောပါတယ်။
ခမရ ၅၄၃ ဟာ ကျောက်ဖြူ – ရမ်းဗြဲ ကားလမ်းပိုင်းပေါ်မှာရှိပြီးတော့ ၊ ကျောက်တလုံးဘုရား အနီးမှာ အခြေချပါတယ်။ လက်ရှိမှာ အဲ့ဒီတပ်နဲ့ မလှမ်းမကမ်းမှာရှိတဲ့ ရဲတပ်တင်း ၃၂ နဲ့ ပြိုင်းစေ့ကေ တို့မှာ တိုက်ပွဲ ဖြစ်ပွားနေပါတယ်။
“ခမရ ၅၄၃ တစ်ခုလုံး ရှေ့တန်းရောက်နေချိန်မှာ အခုလို တပ်ဧရိယာ အတွင်းအပြင် ကို မှိုင်းထောင်ပြီး အသေခံတိုက်ဖို့ အမိန့်ပေးထားတာဖြစ်ပါတယ် “ လို့ ကျောက်ဖြူ နဲ့ ဆက်စပ်တဲ့ စစ်ကောင်စီ အသိုင်းအဝိုင်း က ပြောပါတယ်။
ခမရ ၅၄၃ က အရေကြီး စာရွက်စာတန်းတွေ ၊ တပ်တွင်းမိသားစုပိုင် ပစ္စည်းတွေ ၊ ကား ၊ဆိုက်ကယ်တွေ နဲ့ အိမ်မွေးတိရိစ္ဆာန်တွေက အစ သယ်ယူသွားတယ်လို့ ဆိုပါတယ်။ စစ်ကောင်စီဟာ တပ်ရင်းအနီးအနားသာမက ဘဲ ကားလမ်းေဘေးဘီဝဲယာ တွေမှာပါ မြေမြုပ်မှိုင်တွေ ထောင်ထားတဲ့ အတွက် အနီးဝန်းကျင်က လယ်သမားတွေ ထိခိုက်ဒဏ်ရာ ရရှိမှုတွေလည်းရှိခဲ့တယ်လို့ သိရပါတယ်။
“ကားလမ်းနား ၊ ရွာလမ်းနဲ့ တောလမ်းတွေပါထောင်ထားတယ် အခုက တိရိစ္ဆာန်တွေ မိူင်းပေါက်လို့သေတယ် အယင်နေ့ကလည်း အမျိုးသမီးတစ်ဉီးမိူင်းထိတယ်”လို့ ဒေသခံတစ်ဦးက ပြောပါတယ်။
စစ်ကောင်စီဘက်က မြေမြုပ်မှိုင်းတွေကို ဒေသတွေ နေရာအနှံ့အပြားမှာထောင်ထားတာ လည်းဖြစ်ပါတယ်။ ဂုံးချွိန်တိုက်နယ် ၊ ဂုံးချွိန်ရွာ၊ စေပုတ်ကေထောင့်ရွာက ဒေါ်သိန်းမြကြည် (၆၁ နှစ်) ဟာ ဇွန်၊၅ ရက်နေ့၊ မနက်ပိုင်းမှာ ခမရ (၅၄၃) နဲ့ တစ်မိုင်ဝန်းကျင် က သီဟိုဋ်ခြံထဲမှာ မိုင်းနင်းမိပြီး ခြေတစ်ဖက် ဆုံးရှုံးခဲ့ပါတယ်။
အမ်းချောင်းသူ လေး၀တီFM
