ရက္ခိုင်ပြည် ၊ ကျောက်ဖြူမြို့နယ် ၊ ဂုံးချွိန်တိုက်နယ်က အမှတ် ၃၂ ရဲတပ်ရင်း ကို အာရက္ခတပ်တော်ဘက်က ပတ်လည်က ပိတ်ဆို့တိုက်ခိုက်နေပြီး တိုက်ပွဲပြန်လည်ပြင်းထန်နေတာ နှစ်ရက်ရှိပြီ ဖြစ်ပါတယ်။
ရခိုင်မှာ အဆက်မပြတ်မိုးရွာနေပြီး ပြီးခဲ့တဲ့ တစ်ပတ်က တိုက်ပွဲအရှိန်လျော့ကျခဲ့ရာက ဇူလိုင် ၂ ၊ ၃ ရက်တွေ အတွင်းမှာ ပြန်လည်ပြင်းထန်လာတာဖြစ်ပါတယ်။
”ဒရုန်းချသံ နှစ်ဖက်ပစ်ခတ်သံတွေ ကို အဆက်မပြတ်ကြားရတယ် ၊ အခု နှစ်ရက် မှာ ပိုပြီး ပြင်းလာတယ် “လို့ ဒေသခံ စစ်ရေးသတင်းရင်းမြစ်က ပြောပါတယ်။
အမှတ် ၃၂ ရဲတပ်ရင်းအနီးက တိုက်ပွဲမှာ စစ်ကောင်စီဘက်က တရုတ်နည်းပညာရှင် ဒရုန်းကျွမ်းကျင်သူအချို့ကိုအသုံးပြုထားတာဖြစ်ပါတယ်။
ဒါအပြင် နေဗီကလည်း ဝင်ရောက်ပစ်ခတ်နေပြီး နှစ်ဖက်တိုက်ပွဲတွေဟာ တော်တော်ပြင်းထန်နေတယ်လို့ ဆိုပါတယ်။
“တိုက်ပွဲက ရှေ့မှာဆိုလည်း ကျမတို့ရွာက ပင်လယ်ကမ်းခြေနဲ့နီးတယ်၊ဒရုန်းလာတယ်လက်နက်ကြီးကျတယ် ၊ လေယဉ်လာရင် ဗုံးခိုကျင်းဆင်းနေရတယ်၊ ဗုံးကျင်းတွေကလည်း ရေတွေ ဝင်နေတယ် ရေထဲမှာ အကြာကြီး နေနေရတယ် “လို့ ကျောက်ဖြူ ဒေသခံအမျိုးသမီးတစ်ဉီးကပြောပါတယ်။
ကျောက်ဖြူ ရမ်းဗြဲ ကားလမ်းမထက်ရှိ ပင်လယ်ကမ်းခြေနဲ့နီးတဲ့ ကျောက်ပြောက်အုပ်စု ၊ဇင်ချောင်းအုပ်စုတို့ က ကျေးရွာတွေဟာ စစ်ကောင်စီရဲ့ နေဗီနဲ့ လေကြောင်းရန်ကို အထူးဂရုပြုနေရတာဖြစ်ပါတယ်။
ဓာတ်ပုံ- မောင်ရွှေလေးရေတပ်ကို သိမ်းပိုက်စဉ်
