စက်တင်ဘာ ၂၇ ရက် ညပိုင်းက ULA/AA ဘက်က ထုတ်ပြန်တဲ့ ထုတ်ပြန်ချက်ထဲမှာ ARSA ၊ RSO အဖွဲ့တွေ ဟာ ရခိုင်ဒေသတွင်း လူထုနဲ့ ၊ ရခိုင်ဒေသ ရင်းနှီးမြုပ်နံမှုတွေကို ခြိမ်းခြောက်လာပြီ လို့ အသိပေးထုတ်ပြန်ထားပါတယ်။
မောင်တော နယ်စပ်က ပွိုင့် ၆၀၁ စခန်းကို အာဆာဘက်က ဝင်ရောက်တိုက်ခိုက်ခဲ့ပြီး ၊ ပြန်လည်ထိမ်းချုပ်ခဲ့ရကြောင်း ULA/AA ရှင်းလင်းချက် တစ်စောင်ထုတ်ပြန်ခဲ့တာပါ။
အဲ့ဒီထုတ်ပြန်ချက်ထဲမှာ ပဲ ရခိုင်ဒေသက ပြည်သူတွေ ရဲ့ လုံခြုံရေးနဲ့ နိုင်ငံ ခြားရင်းနှီးမြုပ်နံမှု စီမံကိန်းတွေရဲ့ လုံခြုံရေးဟာ လည်း ခြိမ်းခြောက်ခံနေရပြီဖြစ်တယ် လို့ ထည့်သွင်းထားပါတယ်။
ဘဂ်လားဒေ့ရှ်နယ်စပ်ကို ခြေကုတ်ယူထားတဲ့ ARSA အဖွဲ့ဟာ မောင်တောနယ်စပ် က စခန်းတချို့ကို ကြိုတင်စီစဉ်ပြီး စခန်းသိမ်းတိုက်ပွဲအသွင် ဖန်တီးတိုက်ခိုက်လာလို့ နယ်စပ်လုံခြုံရေး ဟာ စိုးရိမ်ဖွယ် ရှိနေပြီ လို့ ULA/AA က ထုတ်ပြန်လိုက်တာပါ။
အာဆာအဖွဲ့အတွေ ရဲ့ အခုလို နယ်မြေသိမ်းတိုက်ပွဲတွေ အထိ ပြုလုပ်လာနိုင်အောင် ဘဂ်လားဒေ့ရှ် နယ်ခြားစောင့်တပ် BGB ရဲ့ တာဝန်ရှိသူ တချို့က သူတို့ဘက်အခြမ်းမှာ အားပေး အားမြှောက်ပြုထားတယ် လို့ ထုတ်ပြန်ချက်မှာ ထည့်သွင်းထားပါတယ်။
နယ်စပ်လုံခြုံရေး နဲ့ ပတ်သက်ပြီး ဘဂ်လားဒေ့ရှ် အစိုးရနဲ့ ဆွေးနွေးလိုတယ် လို့ လည်း ထုတ်ပြန်ချက်မှာ ထည့်သွင်းထားပါတယ်။
လေးဝတီ FM
