“ရန်ကုန်ရောက်နေတဲ့ ရခိုင်စစ်ဘေးရှောင်တွေ ၊ ရခိုင် တိုင်းရင်းသားတွေရဲ့ အခွင့်အရေးအတွက် အလုပ်လုပ်ပါ့မယ်” ဆိုတဲ့ မဲဆွယ်မှု နဲ့အတူ လာမယ့်ရွေးကောက်ပွဲမှာ ရခိုင်တိုင်းရင်းသားရေးရာဝန်ကြီးနေရာကို ဝင်ပြိုင်မယ့် လူ (၇) ဦးအထိ ရှိနေတယ်လို့သတင်းရရှိပါတယ်။

စစ်အုပ်စုက ဦးဆောင်ပြီးကျင်းပတဲ့ ဒီရွေးကောက်ပွဲကို ရခိုင်တော်လှန်ရေးအင်အားစု အသီးသီးက အသိအမှတ်မပြုပေမယ့် ရန်ကုန်မြို့မှာနေထိုင်တဲ့

ရခိုင်နိုင်ငံရေး လှုပ်ရှားသူတွေ နဲ့ ရခိုင်ပါတီ တချို့က ပါဝင်ပတ်သက်ဖို့ ပြင်ဆင်ထားတာဖြစ်ပါတယ်။

ထူးခြားချက်ကတော့ ရခိုင်တိုင်းရင်းသားရေးရာဝန်ကြီးနေရာကို ဝင်ပြိုင်မယ့်ပါတီတွေ က ရခိုင်ပါတီတွေ မဟုတ်တာကိုလည်းတွေ့ရပါတယ်။

ယှဉ်ပြိုင်ကြမယ့် သူတွေကတော့ ကြံ့ခိုင်ရေးပါတီ က ကိုယ်စားလှယ် ဦးနေမင်းထွန်း ၊ ဦးကိုကိုကြီး ဦးဆောင်တဲ့ ပြည့်သူပါတီက ဦးသာစိန် ၊

ဒေါ်သက်သက်ခိုင်ဦးဆောင်တဲ့ ပြည်သူ့ရှေ့ဆောင်ပါတီက ဒေါ်အေးမာလွင် (ခ) ဒေါ်ခင်အေးမြင့် ၊

ရှမ်းတိုင်းရင်းသားများဒီမိုကရက်တစ်ပါတီ ကျားဖြူပါတီက ကိုယ်စားလှယ်တစ်ဦး ၊ ငြိမ်းချမ်းနှင့်ဖွံ့ဖြိုးရေးပါတီ က ကိုယ်စားလှယ်တစ်ဦး တို့ ဖြစ်ပါတယ်။

ဒါအပြင် ဦးတင်ထူးအောင် နဲ့ ဦးညီညီ တို့ ကလည်း တသီးပုဂ္ဂလ အနေနဲ့ ဝင်ရောက်ယှဉ်ပြိုင်ကြမှာဖြစ်ပါတယ်။

တိုင်းနဲ့ ပြည်နယ် တွေမှာနေထိုင်တဲ့ လူဦးရေ ရဲ့ ၀.၁ ရာခိုင်နှုန်းရှိရင် တိုင်းရင်းသားဝန်ကြီးနေရာကို ဝင်ရောက်ယှဉ်ပြိုင်ခွင့်ရပြီး ၊တိုင်း/ပြည်နယ်လွှတ်တော် နဲ့ တိုင်း/ပြည်နယ် အစိုးရ လက်အောက်မှာ ဝန်ကြီးတစ်နေရာ ရရှိတာဖြစ်ပါတယ်။

ဦးသိန်းစိန်အစိုးရလက်ထက် ၊ ဒေါ်အောင်ဆန်းစုကြည် အစိုးရ လက်ထက် နှစ်ခု လုံးမှာ ရန်ကုန်တိုင်း ရခိုင်တိုင်းရင်းသားရေးရာဝန်ကြီးနေရာကို ဦးဇော်အေးမောင်တစ်ယောက်တည်းက သာ အနိုင်ရရှိခဲ့တာဖြစ်ပါတယ်။

လေးဝတီ FM