ရခိုင်က ဆင်းရဲနွမ်းပါးတဲ့ ပြည်သူတွေ အခမဲ့ ဆေးကုသနိုင်ရေးအတွက် ဆေးပဒေသာပင် စိုက်ထူပေးဖို့ အဝေးရောက်ရခိုင်ပြည်သူတွေကို အာရက္ခအစိုးရကျန်းမာရေးဌာန က ကမ်းလှမ်းလိုက်ပါတယ်။
ဆေးဘက်ဆိုင်ရာဝန်ထမ်းတွေ က စတင်ပြီး ဆေးပဒေသာပင် လို့ ခေါ်တဲ့ မတည်ငွေထည့်ဝင်စိုက်ထူထားပြီး အဝေးရောက် ရခိုင်ပြည်သူတွေ နဲ့ ဆေးဘက်ဆိုင်ရာ မိတ်ဆွေတွေကို ဖိတ်ခေါ်ထားတာဖြစ်ပါတယ်။
ဒီဆေးပဒေသာပင်ဟာ ရခိုင်ပြည်က ဆင်းရဲနွမ်းပါးတဲ့ ပြည်သူတွေ အတွက် ဆေးကုသစရိတ် နဲ့ ကျန်းမာရေးဝန်ထမ်းတွေ ရဲ့ သာရေး နာရေးအတွက် အသုံးပြုမယ် လို့ ဒီဇင်ဘာ ၁ ရက်နေ့က ထုတ်ပြန်ထားပါတယ်။
လက်ရှိ ရခိုင်ပြည်မှာ ရှိတဲ့ မြို့ ၁၃ မြို့နဲ့ ပလက်ဝဒေသက အများပြည်သူ့ ကျန်းမာရေးဝန်ဆောင်မှုလုပ်ငန်းတွေကို အာရက္ခအစိုးရ ကျန်းမာရေးဌာန က ဦးဆောင်လုပ်ကိုင်နေပါတယ်။
ကျန်းမာရေးဌာန အတွက် သားဖွား ၊ မီးယပ် နဲ့ တခြား ဆေးဘက်ဆိုင်ရာဝန်ထမ်းတွေကိုလည်း ခေါ်ယူထားပါတယ်။
လေးဝတီFM
