ကျောက်ဖြူအထူးစီးပွားရေးဇုံ လျာထားဧရိယာအတွင်းမှာ နေရာယူထားတဲ့ စစ်ကော်မရှင်တပ်တွေကို အာရက္ခတပ်တော်ဘက်က ထိုးစစ်ဆင်တိုက်ထုတ်နေတယ်လို့ သတင်းရရှိပါတယ်။
အထူးစီးပွားရေးဇုံလျာထားဧရိယာတွေထဲမှာ ပါဝင်တဲ့ သိုင်းချောင်း ၊ မင်းပြင် ၊ ချောင်းဝ ကျေးရွာတွေမှာ စစ်ကော်မရှင်နဲ့ အာရက္ခတပ်တော်တို့ တိုက်ပွဲတွေ ပြင်းထန်နေတာပါ။
“သိုင်းချောင်းမှာ စစ်ကောင်စီတွေ ပိတ်မိနေတယ်၊ AA ဘက်က ပိတ်ဆို့ပြီးတိုက်နေတာပါ၊ ဒီနေရာတွေက အထူးစီးပွားရေးဇုံစီမံကိန်းထဲ မှာ အဓိကနေရာမှာ ပါနေတဲ့ ရွာတွေပါ၊ အစိုးရက ဒီမှာရှိတဲ့ လယ်တွေကို သိမ်းဖို့ ပြင်ဆင်ထားတဲ့နေရာတွေပါ ” လို့ ကျောက်ဖြူ ဒေသခံတစ်ဦးက ပြောပါတယ်။
ကျောက်ဖြူ – ရမ်းဗြဲကားလမ်းပိုင်းပေါ်က ချောင်းဝ၊ သိုင်းချောင်း၊ စစ်တော၊ ကပ်သပြေ၊ မင်းပြင် စတဲ့ ကျေးရွာတွေ အပါအဝင် ကျေးရွာ အုပ်စု ၉ ခုဟာ စီမံကိန်း ဧရိယာထဲမှာ ပါဝင်နေတာဖြစ်ပါတယ်။
အဲ့ဒီကျေးရွာတွေဟာ အထူးစီးပွားရေးဇုံ ဧရိယာအတွင်းမှာ ပါဝင်တဲ့ အတွက် ဒေသခံတွေရဲ့ လယ်ယာမြေတွေ ကို လက်လွှတ်ထားရတဲ့ ကျေးရွာတွေဖြစ်ပါတယ်။
အဲ့ဒီကျေးရွာတွေဟာ ပြီးခဲ့တဲ့ အောက်တိုဘာလအထိ အာရက္ခတပ်တော်ဘက်က ထိန်းချုပ်ထားခဲ့တာဖြစ်ပါတယ်။
နိုဝင်ဘာလအတွင်းမှာ အဲ့ဒီကျေးရွာတွေကို စစ်ကြောင်းထိုးလာပြီး ဝင်ရောက်နေရာယူ ခဲ့ရကနေ အခုလို ပြန်လည်ပိတ်ဆို့ တိုက်ခိုက်ခံနေရတာဖြစ်ပါတယ်။
“စကစ ဘက်က ဒရုန်းနဲ့ အမြှောက်တပ်က အဲ့ဒီမှာ ပိတ်မိနေတယ်။ အင်အား ၁၈၀ လောက်ရှိပါတယ်။ လောလောဆယ် ဒီဘက်မှာ တိုက်ပွဲကြမ်းနေတယ်၊ ဒေသခံတွေ ဖြတ်သန်းသွားလာလို့ မရဘူး ” လို့ ကျောက်ဖြူ စစ်ရေးသတင်းရင်းမြစ်တစ်ဦးက ပြောပါတယ်။
သိုင်းချောင်း နဲ့ မင်းပြင် ကျေးရွာ ကို အာရက္ခတပ်တော်ဘက်က ထိန်းချုပ်လိုက်ပြီလို့ သတင်းတွေ ထွက်နေခဲ့ပေမယ့် ၊ စစ်ကော်မရှင်ဘက်က
ခုခံနေတဲ့ စစ်ကြောင်းကို ဝိုင်းဝန်းပိတ်ဆို့ထားတိုက်ခိုက်နေတာ ဖြစ်တယ်လို့ စစ်ရေးသတင်းရင်းမြစ် က ပြောပါတယ်။
“စစ်မှုထမ်းအင်အားတွေ ထပ်ပို့တဲ့ စစ်ကြောင်းနဲ့ ဖြစ်တာရှိတယ်၊ အထဲမှာ ပိတ်မိနေတဲ့ တပ်တွေနဲ့ ဖြစ်တာရှိတယ်။ စကစ ဘက်က တော်တော်အထိနာနေရတယ်။ တိုက်ပွဲက နေ့ရောညရော ဖြစ်နေတယ်” လို့ ဒေသတွင်းစစ်ရေးသတင်းရင်းမြစ်ကပြောပါတယ်။
နိုဝင်ဘာလကုန်ပိုင်းက စပြီး သိုင်းချောင်း နဲ့ မင်းပြင်ဘက်မှာတိုက်ပွဲတွေ ပြင်းထန်နေပြီး သိုင်းချောင်းဆည်အနီးက ကာကင်းအချို့ကိုလည်း အာရက္ခတပ်တော်ဘက်က သိမ်းပိုက်ထားတာဖြစ်ပါတယ်။
သိုင်းချောင်း ၊ ဇင်ချောင်း ၊မင်းပြင် ဘက်မှာ ဖြစ်ပွားနေတဲ့ စစ်ပွဲတွေကြောင့် ဒေသခံအများအပြားလည်း ဘေးလွတ်ရာတိမ်းရှောင်နေရပါတယ်။
လေးဝတီFM
Signed up for 39jili.net earlier today. Already having a bit of fun! The promotions look pretty good too! Check it out: 39jili
Win4444bet, okay, not bad! Seems pretty new to me. Navigation is smooth, and the bonuses seem promising. See for yourself with win4444bet!
Golden Hoyeah Slots on goldenhoyeahslots.net has some really great slot themes. I keep coming back for more! The prizes aren’t bad either. Check it out so you can see what I mean. goldenhoyeahslots