ရခိုင်ပြည်မြောက်ဦးမြို့မှာရှိတဲ့ အရပ်ဘက်ဆေးရုံကြီးကို ဒီဇင်ဘာ ၁၀ ရက်ညပိုင်းမှာ စစ်ကော်မရှင်လေကြောင်းက ဗုံးကြဲတိုက်ခိုက်ခဲ့ပြီး ဆေးကုသနေတဲ့ လူနာ ၃၁ ဦးသေဆုံးခဲ့တယ်လို့ သတင်းရရှိပါတယ်။
စစ်ကော်မရှင်ဟာ ည (၉)နာရီကျော်အချိန်မှာ ပေါင် ၅၀၀ ဗုံးနှစ်လုံးကို မြောက်ဦးဆေးရုံတည့်တည့်ကို ကြဲချခဲ့တာဖြစ်ပါတယ်။
“မနေ့ညကပဲ တစ်ညလုံး အပျက်အစီးတွေကြားမှာလူတွေကို တစ်ညလုံး ထုတ်ယူရတာ ၊ သေဆုံးသူတွေကိုလည်း ဒီနေ့မနက်မှာ သဂြို်ကြပါတယ်။ လူတွေ အကုန်လုံးစိတ်ပန်းလူပန်းဖြစ်နေကြပါတယ် ” လို့ မြောက်ဦးသတင်းရင်းမြစ်က လေးဝတီFM ကို ပြောပါတယ်။
လောလောဆယ် သေဆုံးမှုစာရင်းက ၃၁ ဦးဆိုပေမယ့် တစ်ရာဝန်းကျင် ဒဏ်ရာရရှိခဲ့တဲ့အတွက် ၊ အရေးပေါ်ဆေးကုသမှု မရရှိတဲ့ လူနာတွေ ထဲက ထပ်မံသေဆုံးမှုတွေလည်းရှိနေပါတယ်လို့ သတင်းရရှိပါတယ်။
လေးဝတီFM
A convenient car catalog https://auto.ae/catalog/ brands, models, specifications, and current prices. Compare engines, fuel consumption, trim levels, and equipment to find the car that meets your needs.