နတ်ရေကန်တောင် လေကြောင်းရန်စခန်းဗျုဟာကို စစ်ကောင်စီက လမ်းဟောင်း ၊လမ်းသစ် နှစ်ခုလုံးက ပြန်လည်ထိုးစစ်ဆင်လာတဲ့အတွက် နှစ်ဖက်တိုက်ပွဲ ပြန်လည်ဖြစ်နေတယ်လို့ ဒေသခံသတင်းမြစ်တွေဆီက သိရပါတယ်။
စစ်ကောင်စီက ဖေဖော်ဝါရီ ၂၈ ရက်နေ့ ညနေ ပိုင်းကတည်းက နတ်ရေကန်တောင် လမ်းဟောင်း ပဇီရွာ ဘက်ကို စစ်ကြောင်းတစ်ခု ၊ လမ်းသစ် ဂုတ်ကြီးကျေးရွာဘက်ကို စစ်ကြောင်းတစ်ခု ထွက်လာတာဖြစ်ပါတယ်။
စစ်ကောင်စီ စစ်ကြောင်းတွေဟာ ပဇီဘက်အခြမ်းနဲ ၊ ဂုတ်ကြီးဘက်အခြမ်းက AA ထိန်းချုပ်နေရာတဲ့ နေရာတွေ အထိ စစ်ကြောင်းတိုးဝင်လာတဲ့ အတွက် နှစ်ဖက်တိုက်ပွဲတွေ ပြင်းထန်နေတယ်လို့ စစ်ရေးသတင်းရင်းမြစ်က ပြောပါတယ်။
” စစ်ကြောင်းတစ်ခု မှာ အင်အား နှစ်ရာကျော်ပါတယ်။ လမ်းနှစ်ဖက်လုံးဖြစ်နေကြတာပါ၊အထိအခိုက်အကျဆုံးတော့မသိရသေးဘူး”လို့ စစ်ရေးသတင်းရင်းမြစ် ကပြောပါတယ်။
နတ်ရေကန် ဗျူဟာမှာ စစ်ကော်မရှင် အထိုင် အင်အား ၅၀၀ ကျော်ရှိနေပြီး ၊ AA နဲ့ တော်လှန်ရေးတပ်ဖွဲ့တွေက ဝိုင်းဝန်းပိတ်ဆို့ထားပါတယ်။
အာရက္ခတပ်တော်နဲ့ တော်လှန်ရေးတပ်များက ဝိုင်းပိတ်ထားတဲ့ နတ်ရေကန်တောင်စခန်းမှာ စားနပ်ရိက္ခာပြတ်တောက်မှု ကြောင့် Y8၊ Y12 တို့နဲ့ ပုံမှန် လာပို့ပေးနေရတယ်လို့ နောက်ထပ်ဒေသခံ တဉီးကလည်းပြောဆိုထားပါတယ်။
“နှစ်ရက်တခါ တော့ ပုံမှန်လာချပေးရတယ်၊ အဲဒီရိက္ခာထုတ်လာချပြီးဆို ဘေးပတ်လည်ကို ဗုံးကြဲချတယ်”လို့ပြောပါတယ်။
နတ်ရေကန်အနီးကို ထောက်ပို့လုပ်တဲ့ လေယဉ်မှ ဗုံးကြဲချပြီးမှ လိုအပ်နေတဲ့ စားနပ်ရိက္ခာထုတ်တွေကို လေယဉ်ပေါ်က ချပေးတယ်လို့သူကပြောဆိုထားပါတယ်။
အခုလို စစ်ကောင်စီက လေကြောင်း၊ဒရုန်း၊လက်နက်ကြီး တွေပစ်ခတ်မူကြောင့် နတ်ရေကန်တောင် ပတ်ဝန်းကျင် ကျေးရွာ ပဇီ၊လိူင်၊နောင်၊ဘုံဘော၊စွန်တက်၊ဂုတ်ကြီး စသည့်ကျေးရွာအပါ ၁၀ ကျော်ဟာ လုံးဝပျက်စီးဆုံးရှုံးသွားပြီလို့ ဒေသခံတွေ ပြောကြားချက်အရသိရပါတယ်။
စစ်ကောင်စီက နတ်ရေကန်တောင်ကို အဆက်မပြတ် ထိုးစစ်ဆင်ပေမယ့် ၊ AA အပါ တော်လှန်ရေးတပ်တွေရဲ့ တိုက်ခိုက်မူကြောင့် အကျဆုံးများပြီး နေတာ တစ်နှစ်ကျော်ကြာပြီဖြစ်ပါတယ်။
ရခိုင်ရိုးမပေါ် က အဓိက ကာကင်းဗျူဟာ ဖြစ်တဲ့ နတ်ရေကန် ဗျူဟာ ကို အာရက္ခတပ်တော် AA တော်လှန်ရေး အဖွဲ့ တွေ ဘက်ကရော ၊ စစ်ကော်မရှင်ဘက်က ပါ အပြီးသတ်သိမ်းပိုက်နိုင်အောင် ကြိုးပမ်းနေကြတာဖြစ်ပါတယ်။
နတ်ရေကန်ဗျူဟာ ရှိရာ အမ်း-ပဒါန်းလမ်းပိုင်းပေါ်က မြင်ကွင်း
ဓာတ်ပုံ -Myanmar Now
