အခြေခံစားသောက်ကုန် ဖြစ်တဲ့ ဒေသတွင်း ဆန်ရောင်းဝယ်ရေးလုပ်ငန်း တွေကို စစ်ကောင်စီက
ကန့်သတ်လာတဲ့ အတွက် ရခိုင်ပြည်နယ် အနှံ့မှာ နေ့စဉ်စားသုံးဖို့ ဆန် ကို အလွယ်တကူဝယ်လို့
မရတဲ့ အခြေအနေ ကို ကြုံတွေ့နေရတယ်လို့ ဒေသခံတွေက ပြောပါတယ်။
ရပ်ကွက်အတွင်းမှာ ရောင်းချနေတဲ့ ဆန်ဆိုင်အသေးစားသမားတွေဟာ မြို့ပေါ်မှာ
ဆန်သွားတိုက်ရင် ဂိတ်တွေ က အပြင်းအထန် စစ်ဆေးပြီး သိမ်းယူနေတယ် လို့ ရခိုင်ပြည်နယ်
သံတွဲမြို့နယ် က ဒေသခံတစ်ဦးကပြောပါတယ်။
\”ပြည်ကောက် ပြန်ရောင်းဖို့ ဆန် ငါးအိတ်ဝယ်လာတာကို ဂိတ်မှာ အဲ့လောက်အများကြီးဘာလို့
ဝယ်လာတာလဲ ဆိုပြီး ရစ်တယ် ပြန်ရောင်းဖို့ လို့ပြောတဲ့အခါ ၊ဆန်ရောင်းတဲ့လက်မှတ် ရှိလားလို့
မေးတယ်၊ တစ်သက်လုံးရောင်းလာတာ မကြားဖူးဘူးလို့ပြောတော့ ဆန်အိတ်တွေကို
ပြန်မပေးဘူး၊ သိမ်းထားလိုက်တယ် \” လို့ သံတွဲဈေးထဲက ပြန်လည်ဝယ်ယူပြီး
ရပ်ကွက်တွေထဲမှာ ပြန်လည်ရောင်းချနေတဲ့ အသေးစား ဆန်ဆိုင် သမားတစ်ဦးကပြောပါတယ်။
စစ်ကောင်စီ ရဲ့ လုံခြုံရေး ဂိတ်တွေ ဟာ ဆန် နဲ့ အခြားအခြေခံစားသောက်ကုန် တွေကို
စစ်ဆေးရေး ဂိတ်က နေ သိမ်းယူပြီး
ဈေးအမြင့်နဲ့ ပြန်ရောင်းတာတွေ အပြင် ၎င်းတို့ ရိက္ခာအတွက်လည်း
အသုံးပြုနေတယ်လို့ပြောပါတယ်။
ရခိုင်ပြည်နယ် စစ်တွေမြို့က ဒေသ ခံ တစ်ဦးက \”ငွေရှိလည်း ဆန်ဝယ်လို့မရတော့ဘူး၊
အကြောင်းအမျိုးမျိုးပြပြီး ဆန်တွေကို သိမ်းယူနေ ဒေသတွင်းမှာ ပြည်သူစားဖို့ ဆန် ပြတ်သွားပြီ
\” လို့ပြောပါတယ်။
ရခိုင်မှာ ကုန်စည်စီးဆင်းမှုကို ဖြတ်တောက်ထားတဲ့ အတွက် ဒေသတွင်းက ထွက်တဲ့
ဆန်စပါးတွေကိုသာ အဓိက စားသုံးနေရပြီး ဒေသတွင်း သယ်ယူတဲ့နေရာမှာပါအခု လို ဖမ်းဆီး
နေတဲ့ အတွက် ဒေသခံတွေ ဟာနေ့စဉ် စားသုံးဖို့ အခက်အခဲ နဲ့ ရင်ဆိုင်နေရာ တာဖြစ်ပါတယ်။
\”ကလေးတွေငတ်တာကို ထိုင်မကြည့်နိုင်လို့ ရပ်တွေထဲ လိုက်တောင်းပြီး အပြန်မှာလည်း
ရတဲ့ဆန် လေး
သုံးလေး ပြည်ကို ယူထားလိုက်ပြန်တယ် \” လို့ သံတွဲမြို့ နယ် ဒေသခံတစ်ဦးကပြောပါတယ်။
ဒါအပြင် ဆင်းရဲသားရပ်ကွက်တွေကို သွားရောက်ပြီး ဒေသခံတွေအချင်းချင်း အလှူလုပ်တာ
ကျွေးမွေးတာ ကို လည်း စစ်ကောင်စီက တားမြစ်ထားပါသေးတယ်။
စစ်ပွဲရဲ့ သက်ရောက်မှုတွေကို ဒေသခံတွေ ခံစားနေရပြီး အခြေခံကုန်စည်ဈေးနှုန်းတွေလည်း
အဆမတန်မြင့်တက်လာနေပါတယ်။
