ရခိုင်စစ်မျက်နှာပြင်မှာ အကြီးအကျယ်ထိုးစစ်ဆင်ခံနေရတဲ့ အနောက်ပိုင်းတိုင်းစစ်ဌာနချုပ် ဟာ နေ့စဉ် နဲ့ အမျှ အလံဖြူထောင်နေပြီး တဖြည်းဖြည်းနဲ့ အဆုံးသတ်အချိန်ကို ရောက်ရှိလာပြီ ဖြစ်ကြောင်း သိရှိရပါတယ်။
အာရက္ခတပ်တော် ဟာ ဒီဇင်ဘာ ၁၆ ရက်က နပခ ဌာနချုပ်ရဲ့ ပကတိ အခြေအနေ ကို ထုတ်ပြန်ပြီး ချိန်မှာ နောက်ထပ် အင်အားအများအပြား ထပ်မံ အလံဖြူထောင်လာပြီး နောက်ဆုံးလက်ကျန်တပ်သား အလွန်နည်းပါးသွားပြီဖြစ်တယ်လို့ စစ်ရေး သတင်းရင်းမြစ်က ပြောပါတယ်။
“အခုက အထဲက နောက်ဆုံးအင်အားတွေနေ့တိုင်းအလံဖြူထောင်နေတယ်၊ အထဲမှာ မရှိယာ” လို့ စစ်ရေးသတင်းရင်းမြစ်က ပြောပါတယ်။
အာရက္ခတပ်တော် ဘက်က နပခ ဌာနချုပ် အတွင်းပိုင်းနဲ့ သက်ဆိုင်တဲ့ ဗီဒီယိုဖိုင်ကို ပထမ ဦးဆုံးအကြိမ်ထုတ်ပြန်ခဲ့ပြီး အဲ့ဒီဖိုင်ထဲမှာ မီးလောင်နေတဲ့ နပခ ဌာနချုပ်အတွင်းပိုင်းအခြေအနေ ကို မြင်တွေ့ရပါတယ်။
အမ်းမြို့မှာ အခြေစိုက်တဲ့ တပ်ရင်းနဲ့ စစ်စခန်း ၃၀ ကျော်ကို အာရက္ခတပ်တော်က သိမ်းပိုက်ခဲ့ပြီးနောက်မှာ နောက်ဆုံး လက်ကျန် ဌာနချုပ်ကို ထိုးစစ်ဆင်နေတာဖြစ်ပြီး အဲ့ဒီဌာနချုပ်ထဲမှာ လူအင်အားမရှိသလောက် ဖြစ်သွားတာဖြစ်ပါတယ်။
အာရက္ခတပ်တော် က နပခရဲ့ အခြေအနေ ကို နှစ်ရက်ဆက်တိုက်ထုတ်ပြန်ခဲ့ပြီး ဒီဇင်ဘာ လ အတွင်းမှာ တပ်သားအင်အား ၃၆၀ ကျော် အလံဖြူထောင်ခဲ့ပြီလို့ လေးဝတီ FM က စုံစမ်းသိရှိရပါတယ်။
Lemon (လေးဝတီ FM)
