ပြီးခဲ့တဲ့ နှစ်က အာရက္ခတပ်တော်သိမ်းပိုက်ခဲ့တဲ့ မင်းပြား အခြေစိုက် ခမရ ၃၈၀ တပ်ရင်းထဲကို မနေ့ည သန်းခေါင်ယံမှာ စစ်ကောင်စီဘက်က လေကြောင်းကတိုက်ခိုက်ခဲ့တယ်လို့ သတင်းရရှိပါတယ်။
ဇွန်လ ၁၉ ရက် ည ၁၂ နာရီဝန်းကျင်မှာ မင်းပြား ခမရ ၃၈၀ ဝန်းထဲကို ရုတ်တရက်တိုက်ခိုက်ခံရပြီး အဆောက်အအုံတချို့ ထိခိုက်ပျက်စီးခဲ့တယ်လို့ ဒေသခံသတင်းရင်းမြစ်က ပြောပါတယ်။
“မိုးနည်းနည်းတိတ်တဲ့ အချိန်မှာလေကြောင်းက လာကြဲသွားတာပါ၊ မင်းပြား ကို ကြဲပြီး ပေါက်တောဘက်က ရွာတချို့လည်းကြဲသွားတယ်လို့ သိရပါတယ်။ ဘယ်ရွာတွေ ဆိုတာ မသိရသေးပါဘူး” လို့ ULA နဲ့ နီးစပ်သူတစ်ဦးက လေး၀တီFM ကို ပြောပါတယ်။
