အာရက္ခတပ်တော်ထိန်းချုပ်ထားတဲ့ မင်းပြားနဲ့ မြေပုံမြို့နယ် ရှိ လယ်သမားအများစုဟာ လယ်ယာမြေတွေ ထွက်ယက်စိုက်ပျိုးဖို့ ခက်ခဲနေကြတယ်လို့ သတင်းရရှိပါတယ်။
အကြောင်းကတော့ ကျွဲနွားကုန်သည်တွေဟာ ၊ ရောင်းတန်းဝင်တဲ့ ကျွဲနွား ရာနဲ့ ချီ ကို ပြည်ပ နိုင်ငံတွေဆီတင်ပို့ကုန်ကူးလိုက်ကြပြီး တောင်သူတွေဟာ ဒေသတွင်းမှာ လယ်ယာထွန်ယက်ဖို့တောင် နွားမရှိဖြစ်နေကြတဲ့ အခြေအနေ ပါ။
အရင်က နွားတွေရှိပေမယ့် စစ်ပွဲကြောင့် ကစဉ့်အလျားပြေးနေရချိန်မှာ ၊ မသမာသူတွေက ခိုးယူပြီး နွားပွဲစားတွေ ဆီသွားရောင်းတဲ့ အမှုတွေလည်းရှိခဲ့တယ်လို့ဆိုပါတယ်။
” အရင်က နွား ၄ကောင်ရှိတာ ၁ ကောင်ကမိုင်းထိသေတယ်။ ကျန်တဲ့ နွားတွေကိုတော့ စစ်ဘေး ရှောင်နေတုန်း အဆင်ပြေတဲ့ဈေးနဲ့ ရောင်းလိုက်ရတယ်။ ကိုယ့်လယ်စိုက်မယ့်အခါတော့ နွားရှိတဲ့လူတွေ အကုန်လုံးက ရောင်းပြီးနေပြီ ငှားစရာနွားလည်းမရှိတော့ဘူး” လို့မြေပုံက တောင်သူတစ်ဦးက ပြောပါတယ်။
အရင်တုန်းကတော့ မပြေလည်တဲ့ သူက ကျွဲနွားတွေ ထုတ်ရောင်းလိုက်ပေမယ့် ၊ ဟိုဘက်ရွာ ဒီဘက်ရွာ ပြန်လည်ငှားရမ်းအသုံးပြုနေနိုင်ခဲ့ကြတာလည်းဖြစ်ပါတယ်။
ဒါပေမယ့် ဒီတစ်ခေါက်မှာတော့ နွားကုန်သည်တွေက ပြည်မကို အလုံးအရင်းပို့တဲ့ အခါမှာ နွားတွေဟာ ရှားသထက် ရှားပါးလာတာဖြစ်ပါတယ်။
ရခိုင်မှာ နွားမွေးမြူရေးဟာ ခိုင်းနွားများကို မွေးမြူတဲ့ အဆင့်သာရှိပြီး ၊ အသားစား ကျွဲနွားမွေးမြူရေးလုပ်ငန်းကို လုပ်ကိုင်ခြင်းမရှိသေးတဲ့ အတွက်
နွားတွေကို အစုလိုက်အပြုံလိုက်တင်ပို့တာ ဟာ တောင်သူတွေကို အခုလို အခက်ကြုံစေတာဖြစ်ပါတယ်။
လေးမြို့ချောင်းနဘေးက ဧက ဆယ် နဲ့ချီပြီး ကျယ်တဲ့ လယ်ပိုင်ရှင် အချို့ကတော့ စက်နဲ့ ထွန်ယက်ကြပေမယ့် သူတို့မှာလည်း ဆီဈေးတက်တဲ့ ပြသနာကို ရင်ဆိုင်နေရပါတယ်။
“လယ်ဧက ၂၀ ကျော်ရှိတယ် ။ အခုက လယ်ထွန် အငှားလိုက်ဖိုးလူလည်းမရှိ စက်သမားတွေလည်းအငှားရှာမရ ၊ အဲဒါနဲ့ ၂ ဧက လောက်ပဲနွားနဲ့ထွန်ပြီးစိုက်တော့ရမယ် ၊ မဟုတ်ရင် လာမယ့်နှစ် စားစရာမရှိဘူး ” လို့ မင်းပြား မြို့နယ် က တောင်သူတစ်ဦးက ပြောပါတယ်။
ရခိုင်ပြည် က လယ်သမားအများစုဟာ ၂၀၂၁ စစ်အာဏာသိမ်းပြီးနောက်ပိုင်းကစပြီး လယ်ယာများကို ပိုင်ဆိုင်သည့်ဧကအလိုက်မစိုက်ပျိုးနိုင်တော့တာ ဖြစ်ပါတယ်။
ရခိုင်ပြည်သိမ်းတိုက်ပွဲကြီး အတွင်းမှာလည်း တောင်သူတွေဟာ လယ်ယာတွေကို ပစ်ချထားခဲ့ရတာဖြစ်ပါတယ်။ တိုက်ပွဲပြီးကာလ ပြန်လည်ထွန်ယက်မယ့်အချိန်မှာ အခုလို ခိုင်းနွားတွေ မရှိတော့တဲ့ ပြသနာ နဲ့ ရင်ဆိုင်နေကြရတာပါ။
အဉ္စနလီညှင်း ၊ လေး၀တီFM
Gave mbet1 a shot and it’s not bad at all. Easy to get around and seems pretty reliable. I’ll be back! The link is: mbet1
Yo, checked out fun88tntf the other day. Not bad, not bad at all! Lots of games to choose from and the site was easy enough to navigate. Worth a look if you’re on the hunt for a new spot. fun88tntf