အားလုံးသူကို သာလီစွပါ…. လေးဝတီ FM ရဲ့ ကျန်းမာပါစေ အစီအစဉ် ကနေ ကြိုဆိုပါတယ်ရှင်…

ဒီကနေ့မှာတော့ လေးဝတီ FM ရဲ့သောတရှင်တွေ ကို အမျိုးသမီးငယ်များ အပျိုဖော်ဝင်ခြင်း ဓမ္မတာ စလာ ခြင်းနဲ့ ပတ်သက်တဲ့ သတိထားရမယ့် အချက်တွေကို မျှဝေပေးချင်ပါတယ်ရှင်။

သမီးမိန်းကလေးတွေ ဟာ အရွယ်ရောက်လာချိန်မှာ သဘာဝအတိုင်း “ဓမ္မတာစလာခြင်း” (အပျိုဖော်ဝင်ခြင်း) ကို မလွဲမသွေ ကြုံရမှာ ဖြစ်ပါတယ်။

ကျန်းမာရေးရှုဒေါင့်က တော့ ဒါကို မ မျိုးဥကြွေခြင်းလို့ ခေါ်ပါတယ်။

ဓမ္မတာ လာခြင်းဟာ ရှက်စရာ ဒါမှမဟုတ် ဘုန်းကံ နိမ့်စရာ လို့ တချို့ လူ့အသိုင်းအဝိုင်းမှာ သတ်မှတ်ကြပေမယ့် ၊ ဒါဟာ ကျန်းမာရေးဖြစ်စဉ် တစ်ခု သာ ဖြစ်ပါတယ်။ ရှက်စရာ မဟုတ်သလို ၊ ဘုန်းကံ နဲ့ လည်း မဆိုင်ပါဘူး။

ဓမ္မတာ စလာ တဲ့ အမျိုးသမီးတွေ ဟာ ခန္ဓာကိုယ်စတင်ဖွံ့ဖြိုးပြီး အပျိုဖော်ဝင်ပြီဖြစ်ပါတယ်။

ဒါအကြောင့် ရုပ်ပိုင်း ၊ စိတ်ပိုင်းဆိုင်ရာ အပြောင်းအလဲတွေ လည်းဖြစ်တတ်ပါတယ်။

စိတ်ခံစားချက် ပြင်းထန် တာ ၊ စိတ်တို စိတ်ဆတ်တာ ၊ ကိုယ်လက်မအီမသာ ဖြစ်တာ ၊ ကိုက်ခဲနာကျင်တာ စတဲ့ စိတ်ပိုင်း ရုပ်ပိုင်းဆိုင်ရာ အပြောင်းအလဲ တွေ ကို မိသားစု အထူးသဖြင့် မိခင်ဖြစ်သူက နားလည်ပြီး နွေးနွေးထွေးထွေး ဆက်ဆံဖို့လိုပါတယ်။

..

အမျိုးသမီးတွေ ရဲ့ သားဥအိမ်မှ သားဥကြွေခြင်း ဓမ္မတာလာခြင်းဟာ လစဉ် ပုံမှန် ဖြစ်ပေါ်လာတော့မှာ ဖြစ်ပါတယ်။ အချိန်ကာလ အားဖြင့် သုံးရက် ကနေ ငါးရက် အထိကြာတတ်ပြီး ဒီအတောအတွင်းမှာ သန့်ရှင်းရေးကို ဂရုစိုက်ရမှာဖြစ်ပါတယ်။

တကယ်လို့များ ဓမ္မတာ လာနေတဲ့ အချိန်မှာ ကိုက်ခဲလွန်းရင် ရေနွေး သီးသန့်ကို သောက်တာ ၊ ရေနွေးအိတ်ကပ်ပေးတာ ကလည်း နာကျင်မှုကို သက်သာစေပါတယ်။

ဓမ္မတာ စလာတဲ့ ရက်ကနေ နောက်တစ်ကြိမ် ပေါ်တဲ့ အချိန်ရဲ့ ပထမရက်အထိ ကို ရာသီစက်ဝန်းတစ်ကြိမ် သတ်မှတ်သောကြောင့် လတိုင်းဟာလည်း အချိန်ထပ်တူ မကျနိုင်ပါဘူး။

များသောအားဖြင့် ၂၈ ရက်ကြာတတ်ပြီး၊ ၂၁ ရက်မှ ၃၅ ရက်အထိ ကွာခြားမှုများ ရှိနိုင်ပါတယ်။ လူငယ်များမှာတော့ ၂၁ရက်မှ ၄၅ ရက်အထိ ဖြစ်နိုင်ပါ သေးတယ်။

ဒါ့အပြင် ဓမ္မတာလာခြင်းဟာ အမျိုူသမီးအားလုံးအတွက် အရေးကြီးတဲ့ ကျန်းမာရေး အခြေအနေ တစ်ခုဖြစ်ပြီး ပထမဆုံး မှာ အသက် ၈ နှစ်မှ ၁၂ နှစ်ကြားတွင် ဖြစ်နိုင်ပါတယ်။

အဲ့ဒီအချိန်က စပြီး စ သွေးဆုံးသည့် အရွယ်အထိ လစဉ်လတိုင်း ရာသီသွေးပေါ်နေမည်ဖြစ်ကြောင်း သိရှိထားဖို့လည်း လိုအပ်သလို ရာသီသွေးပေါ်ချိန်မှာ အဖြစ်များတဲ့ လက္ခဏာများကိုလည်း သိထားဖို့ရန်အတွက် အကြောင်းအရာလေး တစ်ချို့ကိုလည်း မျှဝေပေးချင်ပါတယ်ရှင်….

..

ရာသီသွေးပေါ်တဲ့အချိန်တွေမှာ အဖြစ်များတဲ့ လက္ခဏာ များကတော့ ဝမ်းဗိုက်အောက်ပိုင်း ကိုက်ခဲခြင်း၊ ခါးနာခြင်း၊ အစာစားချင်စိတ်ပြောင်းလဲခြင်း၊ အစားပိုစားခြင်း၊ ရင်သားတင်းခြင်း၊ ကြီးလာခြင်း၊ ခေါင်းကိုက်ခြင်း၊ မောပန်းနွမ်းနယ်ခြင်း၊ အိမ်မပျော်ခြင်း၊ အဆစ်၊ နှင့် ကြွက်သားများ နာကျင်ခြင်း၊ စိတ်အပြောင်းအလဲများခြင်း၊ စိတ်တိုစိတ်ဆတ်ခြင်း၊ဝမ်းပျက်ခြင်း စတာတွေ ဖြစ်တတ် ပါတယ်။

ဓမ္မတာလာခြင်းနဲ့ ပတ်သက်ပြီး တခြားအခြေအနေ တွေ ဖြစ်တဲ့ ရာသီသွေးမပေါ်ခြင်း ဟာ ကိုယ်ဝန်ရှိခြင်းကြောင့်လည်း ဖြစ်နိုင်ပါတယ်။

ဓမ္မတာ လာတယ် ဆိုတာ ကိုယ်ဝန်ဆောင်ဖို့ အဆင်သင့် ဖြစ်နေတဲ့ သားအိမ် တစ်ခုကို ရရှိတာ ဖြစ်ပါတယ်။

ကျန်းမာသန်စွမ်းတဲ့ အမျိုးသမီးငယ် တစ်ဦး ၊ လစဉ် ဓမ္မတာ လာတဲ့ အမျိုးသမီး ငယ်တစ်ဦး ဟာ အမျိုးသားနဲ့ အကာအကွယ်မပါဘဲ လိင်ဆက်ဆံမိရင် ကိုယ်ဝန်ရနိုင်ပါတယ်။

ဒါကြောင့် အပျိုဖော်ဝင်စ အမျိုးသမီးငယ်တွေဟာ ကျန်းမာရေး ဗဟုသုတရှိပြီး ကိုယ့်ကို ကိုယ် ကြိုတင်ကာကွယ်ဖို့ လိုပါတယ်။

အမျိုးသမီးများအတွက် ရာသီသွေးပေါ်ခြင်းဟာ ခန္ဓါကိုယ်မှ ပုံမှန်အလုပ်လုပ်နေသည်ကို ပြတဲ့ ကျန်းမာရေးအခြေအနေတစ်ခုဖြစ်ပါတယ်။

..

ဒါဆိုရင် ဓမ္မတာ မမှန်တာ ၊ ကျန်းမာရေး ချို့တဲ့တာတွေ ဟာ ဘာကြောင့် ဖြစ်နိုင်လည်း ဆက်နားထောင်ပေးပါနော်။

တခါတလေ စိတ်ဖိစီးမှုများတဲ့ အခါ အမျိုးသမီးများ စိတ်ဖိစီးမှုများနေတာ သွေးအားနည်းနေတာ ၊ နေမကောင်းဖြစ်နေတာ၊ ကိုယ်အလေးချိန်ကျဆင်းတာ ၊ အစားအသောက်မမှန် ၊ ပင်ပင်ပန်းပန်း အလုပ်လုပ်ရတာ ၊ သားအိမ်မှာရေအိတ်တည်တာ ၊ သန္တေတားဆေးတွေ သောက်သုံးတာ တွေ ကြောင့် ဓမ္မတာ မမှန်တာ နောက်ကျတာဖြစ်နိုင်ပါတယ်။ ဒါအပြင် ကိုယ်ဝန်ရှိနေတာ ကြောင့်လည်းဖြစ်နိုင်ပါတယ်။

ခေတ်နောက်ကျ ဖွံ့ဖြိုးမှုနည်းတဲ့ ဒေသတွေမှာ သမီးအပျို ဓမ္မတာ မမှန်တာ ကို ကိုယ်ဝန်ရှိနေတယ် ဆိုတဲ့ အချက်တစ်ခု တည်းကိုသာ ထင်ယောင်ထင်မှားဖြစ်တတ်ကြတာ ရှိပါတယ်။

သောတ ရှင် တို့ရေ အမျိုးသမီးငယ်တွေ အနေနဲ့ ဓမ္မတာ စလာပြီ ဆိုကတည်း ပုံမှန် ဖြစ်နေမှ ကျန်းမာ တဲ့ ဘဝ ကို ပိုင်ဆိုင်ရမှာပါ။

ဓမ္မတာ မမှန် ခြင်း ရဲ့ နောက်ဆက်တွဲမှာ ကိုယ်ဝန်မရနိုင်တာ ၊ ဆံပင်ကျွတ်တာ ၊ နှုံးချိနေတာ ၊ သွေးအားနည်းတာ ၊ ဝမ်းဗိုက်နဲ့ သားအိမ် က နာကျင် တာ ၊ အောင့်တာ ၊ စိုးရိမ်ပူပန်မှုများတာ ၊ စိတ်ကျန်းမာရေး အဆင်မပြေတာ တွေ အထိ ဖြစ်နိုင်တဲ့ အတွက် ဓမ္မတာ ပုံမှန်လာဖို့ အရေးကြီးပါတယ်နော် ။ ဒါကြောင့် ဓမ္မာ ပုံမှန်လာအောင် အစားအသောက် ၊ အအိပ်အနေ ကို ပုံမှန်နေထိုင်ဖို့ တိုက်တွန်းပါတယ်ရှင်။

….သောတရှင်တွေလည်း ကျန်းမာပါစေလို့ လေးဝတီ FM ဝိုင်းတော်သားတွေက ဆုတောင်းမေတ္တာပို့သလိုက်ပါတယ်ရှင်…