သင်္ကြန်ကာလအတွင်း မြို့ပြ နှင့် ကျေးလက်ဒေသများတွင် လူစုလူဝေးများ ပြုလုပ်ပြီး ပျော်ပွဲ
ရွှင်ပွဲများကို မပြုလုပ်ရန် အာရက္ခတပ်တော် မှ မေတ္တာရပ်ခံလိုက်ကြောင်း သိရပါတယ်။
\”စစ်ကောင်စီသည် အာရက္ခတပ်တော်မှ ထိုးစစ်ဆင် တိုက်ခိုက်သိမ်းပိုက်ထားသော
ဒေသများတွင်သာမက နောက်ထပ်သိမ်းပိုက်ရန် ကြိုးပမ်းသော နေရာများတွင်ပါ လူစုလူဝေးဟု
ယူဆသော နေရာများတွင် လေယာဥ်ဖြင့် ဗုံးကျဲခြင်း၊ လက်နက်ကြီးများဖြင့် တိုက်ခိုက်ခြင်း\”
ကြောင့် ဆိုပါတယ်။
အာရက္ခတပ်တော်မှ ရခိုင်ပြည်သူများကို ကားများဖြင့် မြို့ပြဒေသများ၊ တစ်မြို့နှင့်တစ်မြို့၊
တစ်ရွာ နှင့် တစ်ရွာကြား ကခုန်လှည့်ပတ် ရေကစားခြင်း၊ show ပွဲများ ပြုလုပ်ခြင်း၊
ဘုန်းတော်ကြီးကျောင်းများတွင် လူစုလူဝေးများဖြင့် ဥသီလဆောက်တည်ခြင်း၊
အလှူအတန်းပြုလုပ်ခြင်းများကို လုံးဝ မပြုလုပ်ရန် တိုက်တွန်း မေတ္တာ ရပ်ခံထားပါတယ်။
ထိုသို့ တိုက်တွန်း မေတ္တာရပ်ခံရခြင်းမှာ စစ်ကောင်စီသည် စစ်ပွဲနှင့် တိုက်ရိုက်မသက်ဆိုင်သည့်
ပြည်သူများကို တိုက်ခိုက်တဲ့သော အကျင့်ရှိသောကြောင့် သင်္ကြန်ကာလအတွင်း
မလိုလားအပ်သည့် အသက်များ၊ ထိခိုက်ဒဏ်ရာ ရရှိမှုများမှ ကြိုတင်ကာကွယ်နိုင်ရန်
ဖြစ်ကြောင်း သိရပါတယ်။
(1) Facebook
