ကမ်းသာယာကမ်းခြေကို တပ်ဆုတ်လာတဲ့ စစ်ကောင်စီတပ်သားတွေ ဟာ ရိက္ခာနဲ့ အရက်တွေ ဒေသတွင်း က ဝယ်ယူစုဆောင်းနေတယ်လို့ သတင်းရရှိပါတယ်။
ဂွမြို့နယ် ကြွေချိုင် ၊ တိုင်ကျိုးနဲ့ ဇီးကုန်း ကျေးရွာ ဘက်က တပ်ဆုတ်လာတဲ့ တပ်သားတွေဟာ ကမ်းသာယာကမ်းခြေမှာ တပ်စွဲနေကြပြီး ဒေသတွင်းက အရက်ဘီယာနဲ့ ရိက္ခာတွေ ကို ရသလောက် ဝယ်ယူစုဆောင်းနေကြတာဖြစ်တယ် လို့ ဆိုပါတယ်။
“မနက်က စျေးဆိုင်မှာဆေး၊ မုန့် ရတာအကုန်ဝယ်နေတယ် စစ်သားတွေက အရက်တွေ သောက်ထားပုံရတယ် မနက်ကဆိုင်တွေမှာ ဖာလိုက်ဝယ်သွားတယ်” လို့ လေးဝတီ FM ကို ပြောပါတယ်။
ကမ်းသာယာကမ်းခြေမှာ အင်အား ၅၀ ကနေ ၁၀၀ လောက် ရှိပြီး အဲ့ဒီစစ်သားတွေဟာ မြန်မာ စကား ၊ရခိုင်စကား မပြောဘဲ တိုင်းရင်းသား ဘာသာစကားတခုခုကို ပြောဆိုကြတယ် လို့ ဆိုပါတယ်။
ဂွမြို့နယ် တွင်းဖြစ်ပွားနေတဲ့ တိုက်ပွဲတွေမှာ အနောက်တောင်တိုင်းစစ်ဌာနချုပ် (ပုသိမ်) လက်အောက်ခံတပ်အများစု နဲ့ အင်အားဖြည့်တင်းထားတာ ဖြစ်ပါတယ်။
လတ်တလောမှာ ဂွမြို့နယ် အတွင်းတိုက်ပွဲတွေ ငြိမ်သက်နေပြီး နှစ်ဖက် စစ်အင်အားပြင်ဆင်နေတဲ့ အနေအထားဖြစ်တယ် လို့ ဆိုပါတယ်။
