စစ်ကောင်စီဘက်က ယာယီအပစ်ရပ်ကြောင်း ကြေညာပြီးနောက်မှာ ရခိုင်ကို လေကြောင်း အပါအဝင် ဗုံးအလုံးရေ ၆၀ ကျော် ကြဲခဲ့တယ်လို့ သတင်းရရှိပါတယ်။
ရခိုင်ပြည် ကျောက်ဖြူမြို့ နယ် ထဲက ကျေးရွာ အချို့ကို ဒီကနေ့ ဧပြီ ၃ ရက် ညနေ ၅ နာရီမှာ ဂျက်ဖိုက်တာနဲ့ လာရောက် တိုက်ခိုက်ခဲ့ သလို ၊ ဒရုန်း ၊ စက်တပ်လေထီး တွေ နဲ့ အကြိမ်ကြိမ် ကြဲခဲ့ တာဖြစ်ပါတယ်။
“ဒီနေ့ကတော့ တနေကုန်ပဲ ဒရုန်း တွေရော၊ စက်တပ်လေထီးရော ၊ ရေတပ်က ရော တနေကုန် ပစ်နေတာ ပါ၊ အကြိမ်ရေ ၆၀ ကျော်ပါတယ်။
ညနေဘက်မှာ သစ်ပုတ်တောင် အုပ်စုရှောက်ချောင်းဘက် ဂျက်ဖိုက်တာနဲ့ လာပစ်သွားပါသေးတယ် ” လို့ သတင်းရင်းမြစ်က ပြောပါတယ်။
AA အပါအဝင်ညီနောင်မဟာမိတ်အဖွဲ့တွေက ငလျင်အရေးပေါ်ကာလ အတွင်း တစ်ဖက်သတ်အပစ်ရပ်ကြောင်းထုတ်ပြန်ခဲ့ သလို စစ်ကောင်စီဘက်ကလည်း သုံးပတ်ကြာ အပစ်ရပ်ကြောင်း အပြန်အလှန်ထုတ်ပြန်ထားတာ လည်းဖြစ်ပါတယ်။
စစ်ကောင်စီဘက်က ဒီနေ့ ပစ်ခတ်ခဲ့တဲ့ လေကြောင်း နဲ့ လက်နက်ကြီးတိုက်ခိုက်မှုတွေဟာ ကျောက်ဖြူမြို့နယ် သစ်ပုတ်တောင်တိုက်နယ်နဲ့ ဂုံးချွိန်တိုက်နယ်ကို အဓိက ပစ်ခတ်ခဲ့တာဖြစ်တယ်လို့ ဆိုပါတယ်။
အမ်းချောင်းသူ ၊ လေးဝတီ FM
