ကျောက်ဖြူမြို့နယ် မင်းပြင် နဲ့ သိုင်းချောင်းဘက်ကို စစ်ကော်မရှင်ဘက်က နောက်တစ်ချီ စစ်ကြောင်းတွေ ပြန်ထိုးနေတယ်လို့ သတင်းရရှိပါတယ်။
ဒီဇင်ဘာလထဲမှာ အထိနာခဲ့တဲ့ စစ်ကော်မရှင်စစ်ကြောင်းတွေ ဟာ ၊ ဒဏ်ရာရတဲ့ စစ်သားတွေကို နောက်တန်းပြန်ယူပြီးနောက်မှာ ၊
မင်းပြင်နဲ့ သိုင်းချောင်းဘက်ကိို ဒုတိယတချီ အနေနဲ့ စစ်ကြောင်းပြန်ထိုးနေတယ်လို့ မြေပြင်စစ်ရေး သတင်းရင်းမြစ်တွေက ပြောပါတယ်။
“ဒရုန်းတွေနဲ့ အရင်လာကြဲပြီး ၊ နောက်က စစ်ကြောင်းက လိုက်တက်လာတယ်၊ တက်လာတာက ၃၂ တပ်ရင်းဘက်က တက်လာတဲ့ စစ်ကြောင်းပါ ၊ တိုက်ပွဲက နေ့ရောညနေရာ ပြန်ပြီးပြင်းထန်နေပါတယ်” လို့ ကျောက်ဖြူ စစ်ရေး သတင်းရင်းမြစ်ကပြောပါတယ်။
မနေ့က ဇန်နဝါရီ ၁၄ ရက် ညနေပိုင်းကတည်းက ဒရုန်းဗုံးအမြောက်အများနဲ့ ဦးစွာပစ်ခတ်ခဲ့ပြီး အင်အားနှစ်ရာကျော်ပါတဲ့ခြေလျှင်စစ်ကြောင်း က နောက်က ထပ်တက်လာတယ်လို့ သိရပါတယ်။
မင်းပြင် နဲ့ သိုင်းချောင်း အုပ်စု ဟာ တရုတ်အထူးစီးပွားရေးဇုံ တည်ဆောက်မယ့် ဧရိယာထဲမှာ ပါဝင်နေပြီး ULA/AA က ထိန်းချုပ်ထားဆဲနေရာဖြစ်ပါတယ်။
အဲ့ဒီနေရာကို ပြန်လည်ရရှိရေးအတွက် စစ်ကော်မရှင်ဘက်က အင်အားရာချီစစ်ကြောင်းတွေ သုံးပြီးထိုးစစ်ဆင်နေသလို ၊ အသေခံဒရုန်းတွေနဲ့ အမြောက်အများအသုံးပြုပြီးတော့လည်း တိုက်ခိုက်ရေးတွေပြုလုပ်နေပါတယ်။
ဓာတ်ပုံ – မင်းပြင်ရေဒါစခန်းကို သိမ်းပိုက်ပြီးကြောင်း ဓာတ်ပုံရိုက်ပြီး ၊ ဖြိုခွင်းခံရတဲ့စစ်ကောင်စီ ရဲ့ ပထမ အသုတ်စစ်ကြောင်း
လေးဝတီ FM
