မောင်တော မြို့သူကြီးတပ်ရင်း နခခ(၅) မှာ တပ်မှူးအဖြစ်ကွက်ကဲခဲ့တဲ့ ဗိုလ်မှူးချုပ်သူရိန်ထွန်းနဲ့ အဖွဲ့ဟာ တိုက်ပွဲအတွင်းက ထွက်ပြေးပြီး နတ်မြစ်တလျှောက်မှာ မှာ တိုက်ပွဲပြင်းထန်နေတယ်လို့ သတင်းရရှိပါတယ်။
အဲ့ဒီတပ်မှူးဟာ မောင်တောနခခ(၅) ကို သိမ်းပိုက်တဲ့ ညတွင်းချင်းမှာပင် တပ်သားအင်အား ၁၀၀ ဝန်းကျင်နဲ့ အတူ နခခ (၅) နောက်ပေါက်ကနေ ဒီရေတောတွေကို ဖြတ်ပြီး နတ်မြစ်အတွင်း ကို ထွက်ပြေးသွားတာဖြစ်ပါတယ်။
သူတို့အဖွဲ့နဲ့ အတူ ARSA အဖွဲ့က ပျောက်ကြားစနစ်နဲ့ အကာအကွယ်ပေးပြီး ပင်လယ်ပြင်မှာ အထိုင်ချထားတဲ့ နေဗီဆီကို ထွက်ပြေးသွားကြတာဖြစ်တယ်လို့ဆိုပါတယ်။
“တပ်မမှူး နဲ့ အဖွဲ့က ညဉ့်တွင်းချင်း ထွက်ပြေးသွားတယ်။ အာဆာအဖွဲ့ကပျောက်ကျားစနစ်နဲ့ ပါသွားတယ်။ အဓိက နတ်မြစ်ထဲကကျောက်ပန္ဒူဘက်က နေဗီဆီ ကိုပြေးကြတာပါ။ မရောက်လိုက်ဘဲ တိုက်ပွဲ ဒီမနက်မှာဖြစ်သွားတယ်” သတင်းရင်းမြစ်က ပြောပါတယ်။
အဲ့ဒီထွက်ပြေးသွားတဲ့ အဖွဲ့ ကို အာရက္ခတပ်တော် AA က လိုက်ပြီး ဖမ်းဆီးနေရင်း ၊ နတ်မြစ်ကမ်းစပ်တလျှောက် မှာ တိုက်ပွဲပြင်းထန်နေတာဖြစ်ပါတယ်။
“သူတို့ဘက်က လေကြောင်းက ရော နေဗီက ပါ ပစ်ကူပေးပြီး အဲ့ဒီအဖွဲ့ကို ကယ်ထုတ်ဖို့ ကြိုးစားနေကြတယ်၊ အခု တိုက်ပွဲက နခခ ထဲက နေ နတ်မြစ်ထဲကို ရွေ့သွားပြီ” လို့ စစ်ရေးသတင်းရင်းမြစ်က ပြောပါတယ်။
ကျောက်ပန်းတူ နားတစ်လျှောက်မှာ တိုက်ပွဲပြင်းထန်နေပြီး စစ်ကောင်စီ ဘက်က အဲ့ဒီနတ်မြစ်ကမ်းတလျှောက် ကို ဂျက်ဖိုက်တာ နှစ်စီးနဲ့ ပစ်ကူပေးပြီး သူ့ လူတွေကို ကယ်ထုတ်နေတယ်လို့ ဆိုပါတယ်။
စစ်ကောင်စီဟာ မောင်တောနခခ(၅) ကို မထိမ်းချုပ်နိုင်တော့တဲ့ နောက်ပိုင်းမှာ မောင်တောမြို့ပေါ်မှာရှိတဲ့ စာသင်ကျောင်း ၊ ဘုန်းကြီးကျောင်း ၊ ဈေးအပါအဝင်လမ်း ၊ တံတားတို့ကို ပေါင် ၁၀၀၀ ဗုံးတွေနဲ့ ရည်ရွယ်ချက်ရှိရှိ တိုက်ခိုက်ဖျက်ဆီးလျှက်ရှိတယ်လို့ သိရပါတယ်။
အလယ်သံကျော် ကမ်းခြေမှာ အခြေစိုက်တဲ့ မောင်တော နခခ(၄) က စစ်ကောင်စီတပ်သားတွေဟာလည်း နတ်မြစ်ကို ဖြတ်ပြီး ဘဂ်လားနယ်စပ် ကို ထွက်ပြေးခုံလှုံခဲ့ကြပါတယ်။
အဉ္စနလီညှင်း (လေးဝတီFM)ရေးသည်။
