ပဲခူးတိုင်း ပန်းတောင်းမြို့နယ် ထဲက ပွိုင့် ၆၆၆ စခန်းကို စစ်ကြောင်းထိုးလာတဲ့ စစ်ကော်မရှင် စစ်ကြောင်းတစ်ခု နဲ့ AA ပူးပေါင်းတော်လှန်ရေးအဖွဲ့တွေ တိုက်ပွဲဖြစ်ပွားခဲ့ပြီး စစ်သုံ့ပန်း ၁၀ ကျော်ဖမ်းမိထားတယ်လို့ သတင်းရရှိပါတယ်။
ဒီဇင်ဘာ ၂၀ ရက် ညနေပိုင်းမှာ ကပစ ၁၆ က ထွက်လာတဲ့ အင်အား ၁၀၀ ကျော်ပါ စစ်ကြောင်းဟာ ပွိုင့် ၆၆၆ ကုန်းအနီး ကို ထိုးစစ်ဆင်ဖို့ ခြေလျင်တက်လာခဲ့ပြီး ကြိုတင် ရှင်းလင်းခြင်းကို ခံခဲ့ရတာလို့ AA နဲ့ နီးစပ်တဲ့ စစ်ရေးသတင်းရင်းမြစ်က ပြောပါတယ်။
“အရှင် (၁၀) ဦး ဖမ်းမိထားတယ်၊ နောက်ထပ်လည်းသူတို့ ဘက်ကအကျအဆုံးတွေ နဲ့ ပြန်ဆုတ်နေတယ်” လို့ စစ်ရေးသတင်းရင်းမြစ်က ပြောပါတယ်။
ပွိုင့် ၆၆၆ စခန်းကို စစ်ကော်မရှင် ဘက်က ၊ ပြည်သူ့ စစ်အင်အားတွေကို အများအပြားအသုံးချနေပြီး ၊ နောက်ထပ် စစ်ကြောင်းတစ်ခု ထပ်မံတက်လာတယ်လို့လည်း တိုက်ပွဲအခြေအနေကို ရှင်းပြပါတယ်။
“ပထမ စစ်ကြောင်းပြိုသွားတော့ ဒရုန်း နဲ့ လက်နက်ကြီး တအားပစ်တယ်။ နောက်ထပ် စစ်ကြောင်းထပ်ဝင်လာလို့ ဒီနေ့မနက်ထပ်ဖြစ်နေပါတယ်” လို့ စစ်ရေးသတင်းရင်းမြစ်က ပြောပါတယ်။
စစ်ကော်မရှင်ဟာ ပဲခူးတိုင်း ပန်းတောင်းမြို့နယ်ထဲက ပွိုင့် ၆၆၆ ကုန်းကို ထိုးစစ်ဆင်နေသလို ၊ တစ်ဖက်မှာလည်း မကွေးတိုင်း ငဖဲမြို့နယ်ထဲက
ဂုတ်ကြီးစခန်း ကိုလည်း အင်အားအများအပြားနဲ့ တန်ပြန်ထိုးစစ်ဆင်နေတာဖြစ်ပါတယ်။
ဒီဇင်ဘာ လ အစကတည်းက ရခိုင်ရိုးမထဲမှာတိုက်ပွဲတွေ ပြန်လည်ပြင်းထန်နေတာဖြစ်ပါတယ်။
လေးဝတီ FM
