ရခိုင်ပြည်နယ် တောင်ကုတ် သံတွဲ ကားလမ်းပေါ်က နားပင်းမ နဲ့ ဟုန်းပေါက်ရွာ ကြားကို
စစ်ကောင်စီက ဒီကနေ့ မွန်းလွဲ ၁ နာရီခန့်က လေယာဥ်နဲ့ ဗုံးကျဲနေကြောင်း သိရပါတယ်။
\”နပင်းမ နဲ့ ဟုန်းပေါက် ကြားကို ဗုံးကျဲနေတာ၊ ချီချောင်း နားကိုလည်း ကျဲတယ်၊ ကျမတို့
လယ်တွေထဲလည်း ကျတယ်။ အပျက်အစီးတော့ မသိရသေးဘူး။ ခုထိ ကျဲနေတုန်း\” လို့
ဒေသခံတစ်ဦးက ဆိုပါတယ်။
နားပင်းမကျေးရွာ ၊ ဟုန်းပေါက်ကျေးရွာ ၊ ခမောင်းတုန်း ကျေးရွာတွေကို ဗုံးကျဲတိုက်ခိုက်နေပြီး
ဒီကျေးရွာတွေ မှာ စစ်ပွဲ ဖြစ်ပွားတာမျိုး မရှိပဲ တိုက်ခိုက်ခံနေရတာ ဖြစ်ပါတယ်။
စစ်ကောင်စီဟာ ပြီးခဲ့တဲ့ရက်က လည်း အမ်း တောင်ကုတ် ကားလမ်းပိုင်းကို ဖြတ်တောက်
ဖျက်ဆီးခဲ့ပါသေးတယ်။
အဆိုပါ ဗုံးကျဲမှုကြောင့် ထိခိုက်ဒဏ်ရာ ရရှိမှုနှင့် ပျက်စီးဆုံးရှုံးမှုကို အတည်ပြုနိုင်ရန်
ကြိုးစားနေပြီး နောက်ဆက်တွဲ အနေနဲ့ ထပ်မံ တင်ဆက်ပေးပါ့မယ်။
တောင်ကုတ် သံတွဲ ကြားကျေးရွာ အချို့ကို စစ်ကောင်စီဗုံးကျဲ
