ARSA (Arakan Rohingya Salvation Army) လက်နက်ကိုင်အဖွဲ့ခေါင်းဆောင်အာတာအူလာ နဲ့ အာဆာရဲ့ဘာသာရေးခေါင်းဆောင် မောင်လာနာ မုစ်သဗ် အပါအဝင် ခေါင်းဆောင်အချို့ ကို ဖမ်းဆီးလိုက်
တယ်လို့ ဒါကာအခြေစိုက် သတင်းဌာနတွေနဲ့ ကော့ဘဇားအခြေစိုက် သတင်းဌာနတွေက အတည်ပြုထားပါတယ်။
အာဆာလက်နက်ကိုင်အဖွဲ့ ARSA (Arakan Rohingya Salvation Army) ဟာ ဘဂ်လားဒေ့ရှ်ဘက်အခြမ်းက ရိုဟင်ဂျာ ဒုက္ခသည်စခန်းတွေမှာ ကြီးလေးတဲ့ ရာဇဝတ်မှုများစွာကို ကျူးလွန်ခဲ့တယ်လို့ The Arakan Express News AEN သတင်းဌာနက ရေးသားထားပါတယ်။
ပြီးခဲ့တဲ့ ရက်ပိုင်းမှာပဲ AEN သတင်းဌာနက က အာဆာလက်နက်ကိုင်အဖွဲ့ ARSA (Arakan Rohingya Salvation Army) က တာဝန်ရှိသူတွေကို အမည်စာရင်းနဲ့တကွ ဖော်ထုတ်ထားပါတယ်။
ARSA အဖွဲ့ဟာ မြန်မာဘက်အခြမ်းမှာလည်း စစ်ကောင်စီနဲ့ ပူးပေါင်းပြီး လက်နက်ကိုင် အကြမ်းဖက်ဖို့ အခွင့်အရေးတွေ ရနေတာလည်းဖြစ်ပါတယ်။
AEN သတင်းဌာနက ပြုစုထားတဲ့ စာရင်းတွေအရ
(၁) အတာအူလာ အဘူအမ်မာဂျူနူနီ (အာဆာခေါင်းဆောင်)
(၂) မော်လဝီအော်လီ (အာဆာ network group ခေါင်းဆောင်၊ အင်းချောင်းအုပ်စု၊ ဘဒနာကျေးရွာဇာတိ)
(၃) နူရ်ဒင်း(ခ) အန်နဝါဟာလက် (ဘ) ဦးခေါ်ဘိရ် အာဆာအဖွဲ့ လက်နက်တာဝန်ခံ၊ (သေဆုံးပြီလို့ သတင်းမှား လွှင့်ပြီး တိမ်းရှောင်နေသူ)
(၄) အုစ်သာခါလစ် (ကျောက်တော်) အာဆာအဖွဲ့ရဲ့ ထိပ်တန်းခေါင်းဆောင်၊ ဘူးသီးတောင် တပ်မှူးချုပ်
(၅) မောင်လာနာမုစ်သဗ် (အာဆာအဖွဲ့ ဓမ္မသတ်မှုးချုပ်)
(၆) ဂူရာမစ္စတာ (စစ်တွေ) စစ်ကောင်စီနဲ့ ဆက်ဆံရေးတာဝန်ခံ
(၇) ကာမလ် (ရွာမ) လူငယ်တွေကို ပေါ်တာဆွဲပြီး စစ်ကောင်စီစခန်း ပို့သူ
(၈) ရှိတ်ဆဗ် (အင်ချောင်းရွာ)
(၉) မာမတ်ဂျဖာ (ဘ)ဦးဘော်ရှော် (ယခင် ကကျဘက်ကျေးရွာအုပ်ချုပ်ရေးမှူးဟောင်း) ရန်ကုန်ကို တိမ်းရှောင်နေသူ
(၁၀) မာမတ်နူ (မီးကျောင်းခေါင်းဆွဲရွာ) အာဆာတပ်မှူး
(၁၁) မော်လဝီအိစ်စမိုင် (မီးကျောင်းခေါင်းဆွဲရွာ)
အာဆာဓမ္မသတ်မှုး
(၁၂) တော်ယုပ် (ဒါးပိုင်ဆရာရွာဇာတိ၊ အာဆာတပ်ရင်းမှုး)
(၁၃) ဆော်လ်မာန် (တပ်ရင်းမှုး)
(၁၄) အာနောစ် (တပ်ရင်းမှုး)
(၁၅) ဟာမိဒ် (သိန်တောင်ရွာဇာတိ)
(၁၆) ဆော်လာန် (အာဆာတပ်ဖွဲ့ဝင်)
(၁၇) ကေဖာယတ်တူလာ (အာဆာတပ်ဖွဲ့ဝင်)
တို့ဟာ ARSA ရဲ့ အဖွဲ့ဝင်တွေ ဖြစ်တယ် လို့ သိရပါတယ်။
လေးဝတီ FM
