ငဖဲမြို့နယ် ၊ နတ်ရေကန်လမ်းဟောင်း ၊ ပဇီကျေးရွာအနီး ရှေ့တန်းစစ်မြေပြင်ကို ပို့ဆောင်ခံရတဲ့ ပြည်သူ့စစ်တပ်သား သုံးဦးဟာ အရှိုချင်းတပ်ဖွဲ့ CDF-Asho ဆီကို အလင်းဝင်ခဲ့တယ်လို့ ဒီနေ့ ဒီဇင်ဘာ ၂၄ မှာ ထုတ်ပြန်ပါတယ်။

နတ်ရေကန် အနီးဝင်ကျင် ကို စစ်ကော်မရှင်ဘက်က ပစ တွေကို အသုံးပြုပြီး စစ်ကြောင်းပြန်ထိုးနေရာက အကျအဆုံးတွေများနေပြီး ၊ နီးစပ်ရာတော်လှန်ရေးတပ်ဖွဲ့တွေဆီကို အလင်းဝင်လာကြတာလည်းဖြစ်ပါတယ်။

အထက်တပ်မှူးတွေရဲ့ ဗိုလ်ကျအနိုင်ကျင့်မှုကြောင့် တိုက်ခိုက်လိုစိတ်မရှိတော့ဘဲ နေ့စဉ်နဲ့ အမျှထွက်ပြေးဖို့ စဉ်းစားနေကြတာဖြစ်တယ်လို့ ထုတ်ပြန်ချက်မှာ ထည့်သွင်းထားပါတယ်။

အရှိုချင်းတပ်ဖွဲ့ဟာ နတ်ရေကန်ကို ထိုးစစ်ဆင်လာတဲ့ စစ်ကော်မရှင်တပ်တွေကို မကြာခဏ ဖြတ်တောက်တိုက်ခိုက်နေတဲ့ တော်လှန်ရေးတပ်ဖွဲ့တစ်ခုလည်းဖြစ်ပါတယ်။

လေးဝတီ FM