ဒီဇင်ဘာ ၂၄ ရက် ညနေပိုင်းမှာ နတ်ရေကန်ဗျူဟာကနေ AA ရှိရာစခန်းတွေဆီကို ဗုံးကြဲဖို့ လွှတ်တင်ခဲ့တဲ့ အသေခံ ဒရုန်းတွေကို ချေမှုန်းနိုင်ခဲ့တယ်လို့ သတင်းရရှိပါတယ်။
စစ်ကော်မရှင်ဟာ အသေခံဒရုန်းတွေကို ဖောဖောသီသီ အသုံးပြုလာပြီး တစ်ပြိုင်နက်ထဲမှာ ဒရုန်းငါးစီးနဲ့ နတ်ရေကန်ဗျူဟာ စခန်းပတ်လည်ကို ဖြန့်ကျက်ခဲ့တာဖြစ်တယ်လို့ စစ်ရေးသတင်းရင်းမြစ်က ပြောပါတယ်။
“သူတို့ ပျံသန်းလာတာက နတ်ရေကန်စခန်းထဲက ဒါပေမယ့် ဒရုန်းတွေ ဦးတည်တဲ့နေရာတွေက မတူဘူး ၊ ဒီဘက်က ပစ် လိုက်လို့ နှစ်စီးက မီးလောင်ပြီးပျက်ကျသွားတယ်။ သုံးစီးကတော့ ပြန်ဆုတ်သွားတယ်” လို့ စစ်ရေးသတင်းရင်းမြစ်ကပြောပါတယ်။
စစ်ကော်မရှင်ဘက်က ပြည်သူ့စစ်သင်တန်းမှာ ဒရုန်းအသုံးပြုမှု သင်ခန်းစာတွေ ကို သင်ကြားထားပြီး ၊ စစ်ကြောင်းတွေမှာ ဒရုန်းတိုက်ခိုက်ရေးကိုလည်း အားပြုလာတာဖြစ်ပါတယ်။
ဒရုန်းတွေ မှာ ကပစ ထုတ် ဒရုန်းဗုံးတွေကို အသုံးပြုသလို ၊ နည်းပညာမြင့် ဒရုန်းတွေကိုလည်း အသုံးပြုလာပါတယ်။
စစ်ကော်မရှင်ဘက်က နတ်ရေကန်ဗျူဟာ စခန်းကို Y-12 လေယာဉ်နဲ့ ဒရုန်းနဲ့ လက်နက်တွေကို ထပ်မံပို့ဆောင်ထားခြင်းဖြစ်တယ်လို့ စစ်ရေးသတင်းရင်းမြစ်ကပြောပါတယ်။
နတ်ရေကန်ဗျူဟာ ကို AA နဲ့ ပူးပေါင်းတပ်တွေက ဝန်းရံပိတ်ဆို့ထားပါတယ်။
တဖက်မှာလည်း ကာကင်းစခန်းတွေကို စစ်ကော်မရှင်ဘက်က တန်ပြန်ထိုးစစ်တွေ ပို့လွှတ်နေတာဖြစ်ပါတယ်။
လေးဝတီ FM
