သံတွဲမြို့ နယ် ညောင်ပင်ကွင်းရွာက ဦးသက်ဝေစိုး ရဲ့ သားဖြစ်သူ မောင်လင်းမြတ်အောင် ဟာ ဂွမြို့နယ် မှာ အသတ်ခံလိုက်ရတယ်လို့ သတင်းရရှိပါတယ်။
ဂွမြို့နယ်၊ ကျိန္တလီမြို့နယ်ခွဲ ကိုင်းတောကွင်းရွာ အနီး ကမ်းစပ်မှာ မောင်လင်းမြတ်အောင် ရဲ့ ရုပ်အလောင်းကို ဇန်နဝါရီ လ (၁၀) ရက်က တွေ့ရှိခဲ့တာဖြစ်ပါတယ်။
” သူက ကလေးတွေကို စာပြန်သင်နေတဲ့ ကလေးပါ ၊ ကိုင်းတောကွင်းက အပြန်မှာ လမ်းမှာ ဆိုက်ကယ်လုခံရတာပါ၊ လူကိုသတ်ပြီး ဆိုက်ကယ်ယူသွားတာ” လို့ သတင်းရင်းမြစ်က ပြောပါတယ်။
သေဆုံးသူမှာ လည်ပင်းလှီးဖြတ်ဒဏ်ရာ ၊ ဘယ်ဘက်ရင်အုံ ထိုးသွင်းဒဏ်ရာ ၊ ဝမ်းဗိုက်ထိုးသွင်း ဒဏ်ရာတွေနဲ့ သေဆုံးနေပြီး မိဘနဲ့ ရွာသားတွေက ရှာဖွေတွေ့ရှိခဲ့တယ်လို့ သတင်းရင်းမြစ်က ပြောပါတယ်။
ဇန်နဝါရီလ ၁၃ ရက်နေ့မှာလည်း တောင်ကုတ်မြို့ပေါ်က အမျိုးသားတစ်ဦးကို သတ်ဖြတ်ပြီး ၊ ငွေကျပ် သိန်း ၇၀ ကို လုယူခဲ့တဲ့ အမှု ဖြစ်ပွားခဲ့ပါသေးတယ်။
မောင်လင်းမြတ်အောင် သတ်ဖြတ်ခံရခြင်းနဲ့ ပတ်သက်ပြီး ၊ အာရက္ခရဲဌာနဖြစ်တဲ့ DLEPS (ဒီလပ်) အဖွဲ့က စစ်ဆေးနေတယ်လို့ သတင်းရရှိပါတယ်။
လေးဝတီFM
