ရခိုင်ပြည်၊ကျောက်ဖြူမြို့ တိုက်ပွဲမှာ မင်းတပ်တောင် စခန်းနဲ့ ၊ စက်မှုလက်မှုသင်တန်းကျောင်း စခန်းနှစ်ခုကို လက်နက်ခဲယမ်းတွေနဲ့ အတူ AA ဘက်က သိမ်းပိုက်လိုက်တယ်လို့ သတင်းရရှိပါတယ်။

ကျောက်ဖြူမြို့ မင်းတပ်တောင်ပေါ်မှာ ခြေကုတ်ယူထားတဲ့ စစ်ကောင်စီ စခန်းနဲ့ ၊ အဲ့ဒီအနီးက စက်မှုလက်မှု သင်တန်းကျောင်းမှာ ကင်းပုန်းချထားတဲ့ စစ်ကောင်စီ စခန်း နှစ်ခုကို မေ ၁၉ ရက် က သိမ်းပိုက်လိုက်တာလို့ စစ်ရေးသတင်းရင်းမြစ်က အတည်ပြုပါတယ်။

“မင်းတပ်တောင် နဲ့ စက်မှုလက်မှုသင်တန်းကျောင်းကို မနေ့ညက ပင်သိမ်းလိုက်ပြီ၊ ဒီနေ့ တနေကုန်တော့ အဲ့ဒီဘက်ကို ရေတပ် က လက်နက်ကြီးနဲ့ ပစ်နေပါတယ်” လို့ စစ်ရေးသတင်းရင်းမြစ်က ပြောပါတယ်။

စစ်ကောင်စီဟာ ဓညဝတီရေတပ် ဌာနချုပ်ကနေ မင်းတပ်တောင်အပါအဝင် လက်လွှတ်ထားရတဲ့ စခန်းကုန်းတွေကို ဒရုန်း ၊ လက်နက်ကြီးတွေနဲ့ ပစ်ခတ်နေတယ်လို့ဆိုပါတယ်။

အဲ့ဒီစခန်းတွေ က စစ်သုံ့ပန်းတွေ ၊ လက်နက်ခဲယမ်းတွေ ကို အာရက္ခတပ်တော်ဘက်က ထိမ်းသိမ်းလိုက်ပြီး မင်းတပ်တောင် တစ်ဝိုက်ကို နယ်မြေရှင်းလင်းနေတယ်လို့ ဆိုပါတယ်။

“နေဗီသဘေ်ာက တော့ အနီးဆုံးထိ တိုးလာပြီ ပစ်နေပါတယ်၊ တချို့ရွာတွေ ဘက်ကို ကျပါတယ် ၊ အထိအခိုက်တော့ မသိရသေးပါး” လို့ ဒေသခံသတင်းရင်းမြစ်က ပြောပါတယ်။

ကျောက်ဖြူ စစ်မြေပြင်မှာ ခမရ (၅၄၃) ၊ ခမရ (၅၄၂) ၊ အမှတ် (၃၂) ရဲတပ်ရင်း ၊ ဓညဝတီရေတပ် ဌာနချုပ် တို့က အဓိက ကွက်ကဲနေပြီး အဲ့ဒီတပ်ရင်းဌာနချုပ်တွေက စစ်ကောင်စီ စခန်းတွေကို သိမ်းပိုက်ခဲ့တာဖြစ်ပါတယ်။

အဉ္စနလီညှင်း ၊ လေး၀တီFM