အာရက္ခတပ်တော် ရဲ့ ထိန်းချုပ်နယ်မြေမှာ ယာယီထိမ်းသိမ်းထားပြီး မကြာမှီပြန်လွှတ်တော့မယ့် တပ်မိသားစုဝင်တွေ နေထိုင်ရာကို စစ်ကောင်စီလေကြောင်းက ဗုံးကြဲတိုက်ခိုက်ခဲ့လို့ အများပြားသေဆုံးခဲ့ရတယ်လို့ အာရက္ခတပ်တော်က ထုတ်ပြန်ပါတယ်။
ဇန်နဝါရီ ၁၈ ရက် ညပိုင်းမှာ လေကြောင်းက တိုက်ခိုက်ခဲ့တာဖြစ်ပြီး ကလေးငယ်တွေ အမျိုးသမီးတွေ အပါအဝင် စစ်သုံ့ပန်းမိသားစုဝင် ၂၈ ဦးသေဆုံးခဲ့ပြီး ၂၅ ဦးမှာ လည်း ဒဏ်ရာ ရရှိခဲ့ပါတယ်။
လေကြောင်းတိုက်ခိုက်မှုကြောင့် ဒဏ်ရာ ရရှိသူတွေကို အရေးပေါ်ကုသနေရပြီး ပြင်းထန်ဒဏ်ရာ ရရှိသူများလည်း ထပ်မံသေဆုံးနိုင်ဖွယ်ရှိသေးတယ်လို့ ထုတ်ပြန်ချက်က ဆိုပါတယ်။
လေးဝတီ FM
