သံတွဲမြို့က ဖောက်ထွင်းသူတွေကို အာရက္ခတပ်တော် က မြေပြင်မှာ အရေးယူနေပြီး အောက်ခြေက တပ်သားအချို့ ပါဝင်ပတ်သက်မှုတွေကို ပါ တွေ့ရှိရတယ်လို့ သတင်းရရှိပါတယ်။
သံတွဲမြို့ သိမ်းတိုက်ပွဲဖြစ်ပွားနေစဉ််ကာလတွေနဲ့ သံတွဲမြို့ကို သိမ်းပြီး တစ်လကျော်ကြာလာတဲ့ အချိန်အထိ အဲ့ဒီဖောက်ထွင်းမှုတွေဟာ ဆက်တိုက်ဖြစ်နေခဲ့တာလည်းဖြစ်ပါတယ်။
“အိမ်ထောင်ပရိဘောဂတွေကို လည်း ကားနဲ့ တိုက်ပြီး .(….)မှာသွားရောင်းတယ် ၊ သံတွဲဒေသခံ အောက်ခြေက လူတွေပါ နေလို့ နိုင်ငံရေးမှူးက သံတွဲနယ်ထဲ လာပြီး ဒီကိစ္စကို ကိုင်တွယ်နေတယ်၊” လို့ အမည်မဖော်လိုတဲ့ စစ်ရေးသတင်းရင်းမြစ်ကပြောပါတယ်။
(လုံခြုံရေအခြေအနေများကြောင့် ရွာနာမည်ကို မဖော်ပြဖို့ သတင်းရင်းမြစ်က တောင်းဆို ထားပါတယ်။ )
သံတွဲမြို့ ပေါ်ရပ်ကွက်တွေနဲ့ ငပလီ ၊ မြပြင် ၊ ဂျိတ္တော စတဲ့ ကမ်းခြေ ဒေသတွေမှာပါ ခိုးမှုတွေ ဆက်လက်ဖြစ်ပေါ်နေတယ်လို့ သိရပါတယ် ။
“ဟိုရက်က ဂျိတ္တောမှာ ခိုးရာပါ ပစ္စည်းတွေ ဝယ်တဲ့သူကို ရိုက်တာ ၊ ဘေးအိမ်က အမျိုးသမီးက မြင်ပြီး နှလုံးဖောက်ပြီးဆုံးသွားတယ်။ ” လို့ တခြားသတင်းရင်းမြစ်တစ်ဉီးက ပြောပါတယ်။
သံတွဲစေ◌ျးတွင်းက စေ◌ျးဆိုင်များ၊ ကမ်းခြေဟိုတယ် တွေက ပရိဘောဂများ ၊ ဒေသခံတွေ ရဲ့ ကား ၊ ဆိုက်ကယ်နဲ့ တခြား အသုံးအဆောင်တွေ ဟာ ဖောက်ထွင်းခိုးယူခံခဲ့ရတာဖြစ်ပါတယ်။
အာရက္ခတပ်တော် AA ဘက်က အရေးယူမှုတွေ လုပ်ဆောင်နေပြီဖြစ်ပြီး DLEPS လို့ ခေါ်တဲ့ “ပြည်သူ့လုံခြုံရေးနဲ့ တရားဉပဒေစိုးမိုးရေးဌာန ကို ဖွဲ့စည်းထားတယ်လို့ ထုတ်ပြန်ထားပါတယ်။
သတွဲမြို့နယ် တစ်ခုလုံးကို အာရက္ခတပ်တော် AA က ထိမ်းချုပ်ထားပြီး လတ်တလောအခြေအနေ မှာ လျှပ်စစ်မီး ၊ ဖုန်းလိုင်းနဲ့ အင်တာနက် လိုင်းတွေ ဖြတ်တောက်ခံထားရပါတယ်။
