ရခိုင်ပြည်တောင်ကုတ်မြို့ ခရိုင်ကျေးရွာကို စစ်ကောင်စီက လေကြောင်းက ပြင်းပြင်းထန်ထန်တိုက်ခိုက်ခဲ့လို့ စစ်ရှောင်ပြည်သူ နှစ်ဉီးသေဆုံးပြီး လူ ၂၀ ဝန်းကျင် လက်နက်အစအန တွေ
ထိမှန် ဒဏ်ရာရခဲ့တယ်လို့ သတင်းရရှိပါတယ်။
အဲ့ဒီခရိုင်ကျေးရွာဟာ တောင်ကုတ်မြို့နယ် တိုက်ပွဲအတွင်း မကြာခဏ လေကြောင်းတိုက်ခိုက်ခံနေရပြီး အခု အကြိမ်ဟာ ငါးကြိမ်မြောက်တိုက်ခိုက်ခံရတာလည်းဖြစ်ပါတယ်။
အခုတစ်ကြိမ်မှာတော့ တောင်ကုတ်မြို့ တိုက်ပွဲတွေ အတွင်းက စစ်ရှောင်ဖို့ ရောက်နေတဲ့ ပြည်သူ နှစ်ဉီး သေဆုံးခဲ့ရတာဖြစ်ပါတယ်။
သေဆုံးခဲ့ရတဲ့ သူတွေကတော့ တောင်မြို့၊ ဆေးရုံ ကွက်သစ်ရပ်ကွက်က ဒေါ်မသိန်း(၇၁ နှစ်) နဲ့ သာယာအေးကျေးရွာက မောင်ကျော်သက်နိုင် (၁၇ နှစ်)တို့ဖြစ်ပါတယ်။
ထိခိုက်ဒဏ်ရာ ရတဲ့ လူတွေကို အရေးပေါ်ဆေးကုသမှု လိုအပ်နေတယ်လို့ သိရပါတယ်။
စစ်ကောင်စီဟာ တောင်ကုတ်မြို့ ပတ်လည် က ကျေးရွာ အားလုံးနဲ့ တောင်ကုတ်မြို့ကို လေကြောင်းတိုက််ခိုက်မှုတွေ နေ့စဉ် ပြုလုပ်နေတာဖြစ်ပါတယ်။
Lemon(လေးဝတီ FM )ရေးသည်။
