မလေးရှားနိုင်ငံရောက် ရခိုင်ရွှေ့ပြောင်းအလုပ်သမား တွေဟာ ရခိုင်ပြည်သိမ်းစစ်ပွဲကြီးအတွင်းမှာ အိုးအိမ်စွန့်ခွာနေထိုင်ကြရတဲ့ စစ်ဘေးသင့်ပြည်သူတွေ အတွက် အလှူငွေကောက်ခံခြင်း ၊ လွှဲပြောင်းခြင်းတို့ကို ပြုလုပ်လျှက်ရှိပါတယ်။

မလေးရှားနိုင်ငံ ကာဂျန်းမြို့ရောက် ရခိုင်ရွှေ့ပြောင်းအလုပ်သမား တချို့ဟာ ဒီလထဲမှာ စစ်ဘေးရှောင်တွေ အတွက် အလှူငွေကောက်ခံသူလည်းဖြစ်၊ ငွေထုတ်ငွေလွှဲဝန်ဆောင်မှုလုပ်သူလည်း ဖြစ်တဲ့ ရခိုင်လူမျိုးတစ်ဦးဆီမှာ လိမ်လည်ခံခဲ့ရတယ်လို့ သတင်းရရှိပါတယ်။

ဒီလိုအလှူငွေတွေကို ကောက်ခံပြီး လက်ခံလွှဲပြောင်းတဲ့ ဝန်ဆောင်မှုလုပ်ကိုင်သူ ဟာ မလေးငွေ ရင်းဂစ် နှစ်သိန်းကျော်ကို ဖေဖော်ဝါရီ ၁၃ ရက် နေ့က လိမ်လည်သွားတယ်လို့ နစ်နာသူ ကာယကံရှင်က လေးဝတီ FM ကို ပြောပါတယ်။

“လိမ်တဲ့သူက ကျောက်တော်မြို့က ပါ ၊ မောင်အေးသန်းလို့ ခေါ်တဲ့လူပါ၊ သူက အရင်က ပုံမှန်ငွေလွှဲငွေထုတ်ပုံမှန်လုပ်ပါတယ်။ တစ်နှစ်လောက် ကျွန်တော်တို့က သူ့ဆီမှာ ငွေလွှဲငွေထုတ်လုပ်လာတာပါ၊ လိမ်မယ့်ရက် မတိုင်ခင်ထိ ၊ ဘာမှ မသက်ာစရာမရှိပါဘူး ၊ အခုတော့ မြန်မာဘက်ကို လွှဲမယ့် ငွေတွေကို မလွှဲပေးပဲ အစအန ပျောက်သွားပါတယ် “ လို့ နစ်နာသူ ဉီးအောင်သန်းက ပြောပါတယ်။

မလေးရှားရောက် ရွှေ့ပြောင်းအလုပ်သမား ဆယ်ဦးထက်မနည်းဆီက မလေးငွေ စုစုပေါင်း နှစ်သိန်းကျော်ကို လိမ်လည်ခဲ့ပြီး ၊ ထွက်ပြေးတိမ်းရှောင် နေတယ်လို့ ဆိုပါတယ်။

“ရခိုင်လူမျိုးအချင်းချင်းဆိုပြီး သူနဲ့ ပုံမှန် အလုပ်လုပ်နေတာ ၊ မထင်မှတ်ပဲ အခုလို လုပ်သွားတာပါ၊ သူကိုယ်တိုင်လည်း စစ်ဘေးရှောင် ပရဟိတ အသင်းတစ်ခု မှာ ပါဝင်လုပ်ကိုင် တဲ့ လူဖြစ်ပါတယ်။ “ လို့ နောက်ထပ် နစ်နာသူ တစ်ဦးက ပြောပါတယ်။

အဲ့ဒီအထဲမှာ စစ်ရှောင်တွေအတွက် ကောက်ခံထားတဲ့ အလှူငွေတွေလည်းပါဝင်နေတယ်လို့ ဆိုပါတယ်။ နစ်နာသူတွေထဲမှာ မမြမြဝေ (သရက်တပင်ရွာ ) ၊ မောင်အေးနိုင်(မြောက်ဦး)၊ Chain Maw(ကျော်ရှီပြင်) ၊ ထွေးလွှင်(ရန်ခိုရွာ) အပါအဝင် လူဆယ်ဦးထက်မနည်း လိမ်လည်ခံ လိုက်ရတာဖြစ်ပါတယ်။

Laywaddy FM