အမ်းရိုးမပေါ်ကိုခြေလျှင်ဖြတ်ကျော် စစ်ရှောင်လာသူ စစ်ရှောင် ၄၀၀ ကျော်ဟာ အမ်းရိုးမ က စစ်ကောင်စီ စစ်ဆေးရေးဂိတ်မှာ ဖမ်းဆီးခံရထားရတယ်လို့ သတင်းရ ရှိပါတယ်။

ခြေလျှင်ဖြတ်ကျော်စစ်ရှောင်လာသူ ၄၀၀ ကျော်ဟာ အမ်းရိုးမ တောင်ကြားလမ်းတစ်ခု ဖြစ်တဲ့ အမ်းမြို့နယ်နဲ့ မင်းဘူးမြို့နယ် ကြားက ကမြင်းကံ စစ်ဆေးရေးဂိတ်မှာ ဖမ်းဆီးခံထားရတာ တစ်ပတ်နီးပါးကြာမြင့်ပြီဖြစ်တယ် လို့ ပြောပါတယ်။

“ကလေးလူကြီး ၊ မိန်းမ ယောက်ျား အစုံ ပါပါတယ်။ သူတို့ကို ပိုင်းရေစမ်းမှာ ထားပါတယ်။ အများစု က အဖွဲ့လိုက် ခြေလျှင်လျှောက်လာသူတွေပါ။ တချို့ကလည်း ဆိုက်ကယ်တွေ နဲ့ လာကြသူတွေပါ ပါတယ် ၊ အကုန်လုံး ၄၀၀ ရှိပါပြီ” လို့ သတင်းရင်းမြစ်က ပြောပါတယ်။

ကမြင်းကံနယ်စပ်ဂိတ် ဟာ ရခိုင်ပြည်နယ် အမ်းမြို့ကနေ ရိုးမပေါ်လမ်းအတိုင်းတက်လာလျှင် ၆၃ မိုင် ခန့်ဝေးပြီးတော့

ပဒါန်းမြို့ဘက်ကလာရင်တော့ မိုင် ၃၀ အကွာမှာရှိ တဲ့ နယ်စပ် စစ်ဆေးရေး ဂိတ် တစ်ခု ဖြစ်ပါတယ်။

“အမ်းက နေ စထွက်လာပြီလို့ပြောတာ ကိုးရက်ကျော်ကြာပါပြီ တောထဲမှာ ပုန်းနေရတယ်၊ လမ်းကြောင်းရှင်းမှ ထွက်လို့ရမယ်လို့တော့ အဆက်အသွယ်ရတုန်းက ပြောပါတယ်” လို့ ခြေလျှင် ဖြတ်ကျော် လာသူရဲ့ မိသားစုဝင်တစ်ဉီးက ပြောပါတယ်။

ဒါအပြင် အဲ့ဒီရိုးမကို ကျော်ဖြတ်တဲ့ နေရာမှာ ရာသီဉတုနဲ့ ခရီးလမ်းကြမ်းတမ်းတဲ့ အတွက် အသက်သေဆုံးမှုတွေ လည်းရှိသလို ၊ အစားအသောက် အဟာရ ပြတ်တောက်ပြီး သေဆုံးမှုတွေလည်းရှိပါတယ်။

နိုဝင်ဘာပထမအပတ် က အသက် ၆၀ ကျော် အမျိုးသမီးတစ်ဉီး ဟာ အခုလို စစ်ရှောင်ခြေလျှင်ခရီးနှင်နေရင်း လမ်းခရီးမှာ သေဆုံးခဲ့တဲ့အတွက် တောတွင်းမှာပဲ

သဂြိုလ်ခဲ့ရတယ်လို့ မိသားစုဝင်ဆီက သိရပါတယ်။

အဉ္စနလီညှင်း (လေးဝတီ FM)ရေးသည်။