ရခိုင်ပြည်တောင်ကုတ် မြို့ စကခ(၅) အတွင်း က လက်ကျန်တပ်သား ၁၀၀ ကျော်အလံဖြူထောင်ပြီး ၊ တပ်မတစ်ခုလုံးကို အာရက္ခတပ်တော်က သိမ်းပိုက်လိုက်ပြီ လို့ သတင်းရရှိပါတယ်။
စကခ(၅) အတွင်းက လက်ကျန်တပ်သားတွေဟာ အသက်ဘေးလွတ်မြောက်ရေးအတွက် ဒီဇင်ဘာ ၁၃ ရက် ညတိုက်ပွဲမှာ အလံဖြူထောင်လိုက်ပြီး စကခ(၅) ကို အာရက္ခတပ်တော်က အပြီးသတ်သိမ်းပိုက်လိုက်ပြီဖြစ်ပါတယ်။
“မနေ့ည က အလံဖြူထောင်တယ်။ တချို့က တပ်သားတွေ ထွက်ပြေးနေတယ်။ အညံ့ခံ တဲ့ အထဲ တပ်မ မှူး ပါမပါတော့မသိရပါ ။ပြေးနေတဲ့အဖွဲ့တွေနဲ့ တိုက်ပွဲကဆက်ဖြစ်နေတယ်” လို့ သတင်းရင်းမြစ်က လေးဝတီ FM ကို ပြောပါတယ်။
အာရက္ခတပ်တော် AA ဟာ ပြီးခဲ့တဲ့ ရက်ပိုင်း မှာ ပင် မောင်တော နခခ ကို သိမ်းပိုက်ခဲ့ပြီး စကခ (၅) ကို အခုထပ်မံ သိမ်းပိုက်လိုက်တာဖြစ်ပါတယ်။
စကခ(၅) တပ်မထဲကို အာရက္ခတပ်တော်က မျက်နှာချင်းဆိုင်ထိုးစစ်ဆင်နေပြီး အနီးကပ်တိုက်ပွဲ ဖြစ်ပွားပြီးနောက် အခုလို အလံဖြူထောင်သူက ထောင် ထွက်ပြေးသူက ပြေးဖြစ်သွားကြတာ လို့ ဆိုပါတယ်။
နိုဝင်ဘာ ၂၈ ရက်က တောင်ကုတ်မြို့ တစ်ခုလုံးကို ထိမ်းချုပ်ထားနိုင်ပြီလို့ ကြေညာပြီးနောက် စကခ(၅) ကို ထိုးစစ်ဆင်ခဲ့တာဖြစ်ပါတယ်။
တောကုတ်မြို့ဟာ အမ်းနဲ့ သံတွဲကြားမှာ ပိတ်မိနေတဲ့ မြို့ဖြစ်တဲ့ အတွက် စစ်ကောင်စီတပ်တွေဟာ ဖြတ်တောက်ပိတ်ဆို့ တိုက်ခိုက်ခြင်းခံခဲ့ရတာလည်းဖြစ်ပါတယ်။
တောင်ကုတ်မြို့မကျရေး အတွက် လေကြောင်း ပြင်းပြင်းထန်ထန်ခုခံခဲ့ပြီး တောင်ကုတ် မြို့က ရပ်ကွက် အများအပြား မီးလောင်ပျက်စီးပြီးနောက်မှာ အလုံးစုံထိမ်းချုပ်နိုင်ခဲ့တာလည်းဖြစ်ပါတယ်။
အဉ္စနလီညှင်း (လေးဝတီFM)
