တစ်ပတ်အတွင်း ဖြစ်ပွားခဲ့တဲ့ ကျောက်ဖြူမြို့နယ် က တိုက်ပွဲ တွေ အတွင်းမှာ စစ်ကောင်စီအင်အား ၂၀၀ ကျော် အကျအဆုံးနဲ့ တပ်လန် နောက်ဆုတ်သွားတယ်လို့ သတင်းရရှိပါတယ်။
ကျောက်ဖြူမြို့နယ် ဂုံးချွိန်တိုက်နယ်နဲ့ သစ်ပုတ်တောင်တိုက်နယ် (AA)ထိန်းချုပ်ထားတဲ့ နေရာတွေ ဖြစ်တဲ့ မလကျွန်း၊ လိပ်ခမော် ၊ ကပ်သပြေ ၊ပျားတဲ နဲ့ သဗြုတောင် ကျေးရွာအနီးအနားဝန်းကျင်ကို မေလ ဒုတိယ အပတ်က အင်အား ရာနဲ့ချီတဲ့ စစ်ကြောင်းတွေ နဲ့ တန်ပြန်ထိုးစစ်ဆင်လာတာဖြစ်တယ်လို့ ဆိုပါတယ်။
” မေလ ၁၁ ၊ ၁၂ ရက် ဝန်းကျင်မှာ ဖြစ်တဲ့ တိုက်ပွဲတွေမှာ စကစ ဘက်က အကျအဆုံးတော်တော်များတယ်။၂၀၀ ကျော်လောက် ပါတဲ့ သူတို့ စစ်ကြောင်းတစ်ခုလုံး ပြတ်တယ်၊ အလောင်း တောင်မကောက်နိုင်ဘူး။ ပြည်သူ့စစ်တွေလည်းပါတယ်။ တပ်လန်ပြီးနောက်ဆုတ်သွားတယ်ပြီး မကြာဘူး လေကြောင်းက ဒရုန်းတွေ နဲ့ ထပ်လာချနေတယ်” လို့ ကျောက်ဖြူ မြို့နယ် စစ်ရေးသတင်းရင်းမြစ်က ပြောပါတယ်။
မေ ၁၃ ရက် မှာ စစ်ကောင်စီရဲ့ ခြေလျှင် စစ်ကြောင်းဟာ လိပ်ခမော်တိုက်ပွဲက နေ နောက်ဆုတ်သွားပြီး ၊ အသေခံ ဒရုန်းတွေနဲ့ လာရောက်တိုက်ခိုက်တဲ့ အတွက် လိပ်ခမော်ရွာဟောင်း ရဲ့ ဘုန်းတော်ကြီးကျောင်း တစ်ကျောင်းမီးလောင်ပျက်စီးခဲ့ပါတယ်။
“တိုက်ပွဲက တိုယ်နယ် ၂ ခုလုံးမှာဖြစ်နေတာ။ စစ်ကောင်စီဖက် နေရာအစုံကိုစစ်ကြောင်းထိုးတာတွေ စစ်ရေးလှုပ်ရှားနေတယ်။ သူတို့ စစ်ကြောင်းထိုးလာတဲ့ ရွာတွေမှာ AA နဲ့ တိုက်ပွဲ ဖြစ်တယ် ” လို့ စစ်ရေးသတင်းရင်းမြစ်က ပြောပါတယ်။
စစ်ကောင်စီ တပ်တွေဟာ ကျောက်ဖြူမြို့ နဲ့ တရုတ်စီမံကိန်းလည်ပတ်နေတဲ့နေရာတွေမှာသာ ခြေကုတ်ယူထားနိုင်ပြီး ၊ AA ဘက်က အဲ့ဒီတပ်တွေကို ပတ်လည်ဝိုင်းထားတဲ့ အနေအထားဖြစ်ပါတယ်။
ဒါကြောင့်၊ ကျောက်ဖြူမြို့နယ်ရှိ ဓညဝတီရေတပ်ဌာနချုပ်၊ ကျောက်တလုံးဘုရားအနီးမှာ အခြေစိုက်တဲ့ ခမရ(၅၄၂)၊ ဂုံးချွိန်ကျေးရွာအနီးရှိ မှာ ရှိတဲ့ ခမရ(၅၄၃) တို့က နေ အနီးဝန်းကျင်း ကျေးရွာတွေကို စစ်ကြောင်းတွေ ထိုးနေတာဖြစ်ပါတယ်။
ရေကြောင်းနဲ့ လေကြောင်းကို အဓိက အသုံးပြုပြီး အင်အားဖြည့်နေရတဲ့ စစ်ကောင်စီဟာ မိုးအဝင် ရာသီဉတု မပြင်းထန်ခင်မှာ လေကြောင်းကို အကြီးအကျယ်အသုံးပြုနေပြီး တိုက်ပွဲတွေ အင်အားအလုံးအရင်း ထပ်ဖြည့်နေတယ်လို့ မြေပြင် သတင်းရင်းမြစ်တွေက ပြောပါတယ်။
ကျောက်ဖြူမြို့နယ် ထဲ မှာ ဧပြီလကုန်ပိုင်းက စပြီး နေ့စဉ် နီးပါးတိုက်ပွဲတွေ ပြင်းထန်နေတာဖြစ်ပါတယ်။
အဉ္စနလီညှင်း ၊ လေး၀တီFM
