ကျောက်ဖြူမြို့ နှင်းဖဲတောင် ဘက်ကို ထိုးစစ်ဆင်လာတဲ့ စစ်ကောင်စီ ရဲ့ စစ်ကြောင်းမှူး ဒုဗိုလ်မှူးကြီး အပါအဝင် ၊ စစ်သုံ့ပန်း ၂၀ ကျော်ကို အေအေ ဘက်က လက်ရဖမ်းဆီးနိုင်ခဲ့တယ်လို့ သတင်းရရှိပါတယ်။

မေလ ၃၀ ရက်ညပိုင်းက ကျောက်ဖြူမြို့ နှင်းဖဲတောင်စခန်းနဲ့ လိပ်ခမော် ကျေးရွာဘက်ကို ထိုးစစ်ဆင်လာတဲ့ စစ်ကောင်စီ စစ်ကြောင်းတစ်ခုနဲ့ အာရက္ခတပ်တော် တို့ တိုက်ပွဲ ဖြစ်ခဲ့ပြီး စစ်ကြောင်းမှူး ဒုဗိုလ်မှူးကြီးကျော်လင်းကြိုင်နဲ့ အတူ စစ်ကောင်စီ တပ်သားတွေကို ဖမ်းဆီးမိခဲ့တာဖြစ်ပါတယ်။

တိုင်းစစ်ဦးစီးမှူး (ပထမတန်း) /ကပအမ-ကြည်း/၃၇၅၃၂ ဒုတိယ ဗိုလ်မှူးကြီး ကျော်လင်းကြိုင် နဲ့ အတူ စစ်ကြောင်းမှာ ပါဝင်သူ တပ်သား နှစ်ဆယ်ကျော်ကို လက်ရဖမ်းဆီးမိခဲ့တာလို့ ဆိုပါတယ်။

“သူတို့ ဘက်က ထိုးစစ်ဆင်လာတာ ဖြစ်ပါတယ်၊ စစ်ကြောင်းကို ခေါင်းဆောင်လာတဲ့ ဒုဗိုလ်မှူး ကို ဖမ်းမိထားတယ်၊ ” လို့ စစ်ရေးသတင်းရင်းမြစ်က ပြောပါတယ်။

စစ်ရှိန်မြင့်လာတဲ့ ကျောက်ဖြူတိုက်ပွဲမှာ တပ်မ ၁၁ နည်းဗျူဟာမှူး ဗိုလ်မှူးချုပ် ကျော်မျိုးအောင် နဲ့ အတူ အရာရှိ အဆင့် ၅ ဉီးခန့်သေဆုံးပြီး ၊ ဗိုလ်မှူးအဆင့် (၁) ဦးထိခိုက်ဒဏ်ရာ ရရှိခဲ့ပါတယ်။ ဒါအပြင် အခု ဒုဗိုလ်မှူး တစ်ဦးကို လက်ရဖမ်းဆီးခဲ့ တာ ဖြစ်ပါတယ်။

အဉ္စနလီညှင်း ၊ လေးဝတီ FM