ရခိုင်ပြည် မင်းပြားမြိုု့ ဖားပြိုကျေးရွာက အသက်(၉) နှစ်အရွယ် မိန်းကလေးကို အဓမ္မကျူးလွန်ပြီး သတ်ဖြတ်ခဲ့တဲ့ အမှုမှာ သံသယ ရှိသူတွေကို ULA/AA က ဖမ်းဆီးထားတယ်လို့ ဇွန်လ ၅ ရက်က အသိပေးထုတ်ပြန်လာပါတယ်။
အဲ့ဒီအမှုဟာ AA ထိမ်းချုပ်နယ်မြေမှာ ဖြစ်ပေါ်ခဲ့တဲ့ အတွက် ULA/AA လက်အောက်မှာ ရှိတဲ့ DLEPS အဖွဲ့က အမှုကို ကိုင်တွယ်ဖြေရှင်းနေတယ်လို့ ထုတ်ပြန်ချက်မှာ ထည့်သွင်းထားပါတယ်။
ဒီအမှုနဲ့ ပတ်သက်တဲ့ ကနဦး သတင်းတွေမှာ တရားခံအဖြစ် သံသယရှိသူ တစ်ဦး ရဲ့ အမည်သာ ပေါ်ထွက်ခဲ့ပေမယ့်
မြေပြင်မှာ သံသယရှိသူ (၈) ဦးအထိ ရှိနေကြောင်း ကို ULA/AA ရဲ့ ထုတ်ပြန်ချက်အရ သိရပါတယ်။
မေ လ ၆ ရက် နေ့က ကျူးလွန်ခံရသူ မိန်းကလေး ရဲ့ ရုပ်အလောင်းကို ရွာအပြင်က သစ်ပင်တစ်ပင်မှာ ကြိုးဆွဲချ ေသ ဆုံးနေတဲ့ ပုံစံနဲ့ တွေ့ရှိခဲ့တာဖြစ်ပါတယ်။
ဒီအမှုနဲ့ ပတ်သက်ပြီး ကျူးလွန်သူ ကို ထိထိရောက်ရောက် ပစ်ဒဏ်ချမှတ်ဖို့ လူမှုအဖွဲ့အစည်း ၁၂ ခုက အာရက္ခပြည်သူ့အစိုးရ ကို တောင်းဆိုထားပါတယ်။
လေးဝတီ FM
