စက်တက်ဘာ ၁၂ ရက် နံနက် (၁) နာရီ ဝန်းကျင်မှာ ရခိုင်ပြည် ကျောက်တော်မြို့ မှာရှိတဲ့ ပညာပန်းခင်း ကိုယ်ပိုင်အထက်တန်းကျောင်းကို စစ်ကော်မရှင်တပ် က ပေါင် (၅၀၀) ဗုံးတွေ နဲ့ လာကြဲခဲ့လို့ ကျောင်းသူ ကျောင်းသား ၁၈ ဦးသေဆုံးခဲ့ရပါတယ်။

ကျောက်တော်မြို့နယ်၊ သရက်တပင်ကျေးရွာ ကို ညသန်းခေါင်အချိန်၌ လေကြောင်းမှ ပေါင် (၅၀၀) ဗုံး နှစ်လုံး လာရောက် ဗုံးကြဲချခဲ့ပြီး သရက်တပင်ရွာမှာရှိတဲ့ ပညာပန်းခင်း၊ ကိုယ်ပိုင်အထက်တန်းကျောင်း ရှေ့တည့်တည့်သို့ ကျရောက်ထိမှန်ခဲ့တာဖြစ်ပါတယ်။

အဲ့ဒီလေကြောင်းတိုက်ခိုက်မှုကြောင့် ပညာပန်းခင်း၊ ကိုယ်ပိုင်အထက်တန်းကျောင်း ကျောင်းသူ/ကျောင်းသားများ တွေနဲ့ အနီးအနားက ကလေးငယ် လေးငယ်တချို့ အပါအဝင် စုစုပေါင်း (၁၈) ဦး ရှေ့ဆင့်နောက်ဆင့် သေဆုံးခဲ့ရပါတယ်။

ဒါအပြင် ကလေး ၂၀ ကျော် ပြင်းထန် ဒဏ်ရာ ရရှိခဲ့တယ် လို့ အာရက္ခတပ်တော် ဘက်က ထုတ်ပြန်ထားပါတယ်။

လေးဝတီ FM