နေပြည်တော် က စစ်ကောင်စီရဲ့ စစ်ရုံးချုပ်နဲ့ အေလာလေတပ် ဌာန တို့ကို ဒီကနေ့ မနက် က ဒရုန်း
အစင်းရေ ၃၀ ကျော်နဲ့ တပြိုင်နက် တိုက်ခိုက်ခဲ့တယ်လို့ သတင်းရရှိပါတယ်။
\”အာဏာသိမ်းအကြမ်းဖက် စစ်ကောင်စီ၏ စစ်ရုံးချုပ်(ကက-ကြည်း) တည်ရှိရာ
နေပြည်တော်နှင့် အေလာလေတပ်များကို ဒရုန်းများဖြင့် တပြိုင်နက် တိုက်ခိုက်ခဲ့ရာ ထိခိုက်မှုများ
ရှိကြောင်း ကနဦး သတင်းရရှိသည်။\” လို့ လည်း NUG အစိုးရ ကာကွယ်ရေး ဝန်ကြီးဌာန က
အတည်ပြု ထုတ်ပြန်ထားပါတယ်။
တိုက်ခိုက်မှုကို ပြည်သူ့ကာကွယ်ရေးတပ်မတော် (PDF) အထူးတပ်ဖွဲ့များနှင့် ရှာထူးဝေါ်
နည်းပညာတပ်ဖွဲ့ရဲ့ Kloud Drone တပ်ခွဲ၊ နည်းပညာတပ်ဖွဲ့ရဲ့ Lethal Prop Weapon
တပ်ခွဲတွေက တိုက်ခိုက်ခဲ့တာ ဖြစ်ပါတယ်။
ဒီဒရုန်းတွေ ဟာ နေပြည်တော်မှာ ရှိတဲ့ ဂျန်မာ တွေ ကို ကျော်ပြီးတော့ စစ်ကောင်စီရဲ့
စစ်ရုံးချုပ်ကို ဒရုန်း ၁၆ စင်း ၊ လေတပ်ဌာန ကို ၁၃ စင်းတိုက်ခိုက်ခဲ့တယ် လို့ သိရပါ
တယ်။