ရခိုင်ပြည်နယ် မောင်တောမြို့က အထွေထွေအုပ်ချုပ်ရေးမှူး နဲ့ သူရုံးဝန်ထမ်းတစ်ဦး ဟာ မြို့ကို
သိမ်းခံရတော့မယ့် အခြေအနေ မှာ သူအုပ်ချုပ်တဲ့ မြို့ကို စွန့်ခွာပြီးထွက်ပြေးသွားတယ်လို့ ဧပြီ ၆
ရက်က BNA သတင်းဌာန က ဖော်ပြထားပါတယ်။
ဧပြီ ၄ ရက် မနက်ပိုင်းက မောင်တောခရိုင်အုပ်ချုပ်ရေးမှူး ပုန်းခိုနေတဲ့
မောင်တောမြို့အဝင်မြို့သူကြီးရှိအမှတ် ၅ နယ်ခြားစောင့်တပ်ရင်း ကို ရခိုင့်တပ်တော် AA က
ထိုးစစ်ဆင်လာတဲ့ အတွက် ကိုယ်လွတ်ရုန်းထွက်ပြေးသွား ဖြစ်တယ်လို့ ဆိုပါတယ်။
အဲဒီခရိုင်အုပ်ချုပ်ရေးမှူးဦးနေဦးဟာ ကိုယ်ထည်နံပတ် ၁၁၅၁၅၂ ပစ္စတို ၁
လက်၊အဲဒီသေနတ်ကျည်အိမ် ၂ ခု၊၉ မမ ကျည် ၂၄
ထောင့်တို့ကိုယူဆောင်ထွက်ပြေးသွားတာဖြစ်ပါတယ်။
ရခိုင်ပြည်နယ် ဘူးသီးတောင် ၊ မောင်တော မြို့ ကို ရခိုင့်တပ်တော် AA က ထိုးစစ်ဆင်နေပြီး
ဘူးသီးတောင်မြို့နယ် က ခမရ (၅၆၄) ကို ဒီမနက်မှာ သိမ်းပိုက်ခဲ့ပါတယ်။
ဒါအပြင်မောင်တောမြို့ ကျိန်ချောင်း စခန်းကို လည်း ပြင်းပြင်းထန်ထန် ထိုးစစ်ဆင်နေတဲ့
အကြောင်း ထုတ်ပြန်ထားပါတယ်။
ရခိုင့်တပ်တော် AA ဟာ ကျောက်တော်၊ မင်းပြား၊ မြေပုံ၊ ရသေ့တောင်၊ ပေါက်တော ၊
ပုဏ္ဏားကျွန်း ၊ ရမ်းဗြဲ ၊ တောင်ပြိုလက်ဝဲ မြို့တွေ အပြင် ချင်းပြည်နယ် ပလက်၀ မြို့ကိုလည်း
သိမ်းပိုက်ထားပြီးဖြစ်ပါတယ်။
(1) Facebook
