ရခိုင်ပြည်နယ် သံတွဲမြို့နယ် ထဲ မှာ တိုက်ပွဲတွေဖြစ်ပွားနေပြီး တိုက်ပွဲနဲ့ အနီးတစ်ဝိုက်က
ကျေးရွာတွေကို လေကြောင်းက နေ့ရော ညပါ တိုက်ခိုက်နေတယ်လို့ ဒေသခံ
သတင်းရင်းမြစ်တွေက ပြောပါတယ်။
\”ရွှေလှေ အနီးတစ်ဝိုက်က ရွာတွေကို လေကြောင်းက ပစ်တာ ၊ အကြိမ် သုံး ဆယ် ကျော်ပါပြီ
ဒီနေ့ အများဆုံးပဲ ၊ အခုည ဘက် လည်း လာကျဲနေတုန်းပဲ ၊ အခုကျဲနေတယ် \” လို့
သံတွဲဒေသခံတစ်ဦးက ပြောပါတယ်။
ဒီကနေ့ နေ့လည်က ရေအားလျှပ်စစ်စီမံကိန်း အနီးမှာ တပ်စွဲထားတဲ့ စစ်ကောင်စီတပ်ကို AA က
ဝင်ရောက်တိုက်ခိုက်ခဲ့ပြီး နှစ်ဖက်တိုက်ပွဲ ဖြစ်ပွားပြီးနောက်မှာ အဲ့ဒီအနီးတစ်ဝိုက်က
ကျေးရွာတွေကိုအခုလို တိုက်ခိုက်နေတာဖြစ်ပါတယ်။
ဒီကနေ့ ည နေပိုင်းမှာလည်း ရွှေလှေ တံတားကို ဖြတ်သန်းသွားလာတဲ့ဒေသ ခံ ကားတစ်စီးကို
စစ်ကောင်စီ က ပစ်ခတ်ခဲ့တဲ့ အတွက်ဒေသခံတစ်ဦး ထိမှန်ခဲ့ပါသေးတယ်။
ဧပြီလ ပထမ အပတ်က စတင်ပြီး သံတွဲဒေသ အနီးမှာ AA နဲ့ စစ်ကောင်စီ ကြား အခု လို
တိုက်ပွဲတွေ ခတ်စိတ်စိတ်ဖြစ်လာတာဖြစ်ပါတယ်။