စစ်ကောင်စီရဲ့ စစ်တွေရေတပ်နဲ့ စစ်တွေမြို့အခြေစိုက်တပ်ရင်းတွေကနေ ပေါက်တောမြို့နယ် က ကျေးရွာတွေကို လက်နက်ကြီးနဲ့ ပစ်ခတ်နေပြီး ဒီနေ့ နေ့လည်ပိုင်းမှာ ရပ်ရွာအနှံ့ပေါက်ကွဲ လျှက်ရှိပါတယ်။
ပေါက်တောမြို့ သရွဲရွာ လမ်းခွဆုံအနီး လက်နက်ကြီး ကျည် ၄ လုံးထိကျရောက်ခဲ့ပြီး ၊ ငပီကျွန်းကိုလည်း လက်နက်ကြီးနှစ်လုံးကျရောက်ပေါက်ကွဲခဲ့ပါတယ်။
ဒီလက်နက်ကြီးကျရောက်ပေါက်ကွဲတာတွေကြောင့် ရပ်ရွာအတွင်းမှာနေထိုင်တဲ့ အမျိုးသား (၄) ဦး ၊ အမျိုးသမီး (၁) ဦးထိခိုက် ဒဏ်ရာရ ရှိထားတယ်လို့ HDCO က ထုတ်ပြန်ပါတယ်။
ပေါက်တောမြို့ဟာ မြို့သိမ်းတိုက်ပွဲအပြီးမှာ ပြင်းပြင်းထန်ထန် ထိခိုက်ခဲ့ပြီး ၊ ရပ်ကွက်နဲ့ ချီပြီး ပျက်စီးခဲ့ပါတယ်။ ဒါအပြင် စစ်တွေ မြို့မှာရှိတဲ့ ရေတပ်နဲ့ အမြှောက်တပ်က အခုလို ပစ်ခတ်တာတွေကိုလည်း မကြာမကြာ ခံနေရပါသေးတယ်။
လေးဝတီ FM
