ရခိုင်ပြည်၊ အမ်းမြို့နယ် အတွင်း အာရက္ခတပ်တော်နဲ့ စစ်ကောင်စီ တို့ရဲ့ တိုက်ပွဲတွေအကြားမှာ အမ်းမြို့နယ်က ဒေသခံ သောင်းချီတိုးလာပြီး အရေးပေါ်အကူအညီတွေ လိုအပ်နေတယ် လို့ AA ဘက်က ထုတ်ပြန်ပါတယ်။
၂၀၂၄ နှစ်ကုန်ပိုင်းမှာ ရခိုင်ပြည်တိုက်ပွဲတွေ အရှိန်အမြင့်ဆုံးရောက်လာပြီး အဲ့ဒီတိုက်ပွဲတွေ ရဲ့ သက်ရောက်မှုကြောင့် စစ်ရှောင်တွေလည်း သောင်းချီတိုးလာတယ်လို့ ထုတ်ပြန်ချက်က ဆိုပါတယ်။
အမ်းမြို့နယ် တဝိုင်က စစ်ရှောင်ပြည်သူတွေဟာ စားနပ်ရိက္ခာများ၊ ကျန်းမာရေးစောင့်ရှောက်မှုများ၊ အမိုးအကာများ၊အိုးခွက်ပန်းကန်စသော မီးဖိုချောင်သုံးပစ္စည်းများ၊ တစ်ကိုယ်ရည်သုံးပစ္စည်းများ၊အမျိုးသမီးလစဉ်သုံးပစ္စည်းများ ၊ မိခင်နဲ့ ကလေးများအတွက် အာဟာရများ၊ ခြင်ထောင်များ အပြင် ဆောင်းရာသီကာလ ဖြစ်နေတဲ့ အတွက် စောင်နဲ့ အနွေးထည်တွေလည်း လိုအပ်နေတယ်လို့ သိရပါတယ်။
အထူးသဖြင့် တချို့ စစ်ရှောင်ပြည်သူများတွေဟာ နေရာ အတည်တကျမရှိဘဲမြေကွက်လပ်တွေမှာ ယာယီတဲထိုးပြီး စစ်ရှောင်နေကြတယ်လို့ ဆိုပါတယ်။
ဒါအပြင် အမ်းမြို့နယ်အတွင်း စစ်ကောင်စီ ရဲ့ စစ်ရာဇဝတ်မှုကျူးလွန်မှုကြောင့် ၂၀၂၄ ခုနှစ်၊ နိုဝင်ဘာလ ၁၁ ရက်နေ့ကနေ ဒီဇင်ဘာ ၅ ရက်အထိ တစ်လ အတွင်းမှာ အရပ်သား ၁၃ ဦးသေဆုံးပြီး ၃၆ ဦး ဒဏ်ရာ ရရှိခဲ့ပါတယ်လို့ဆိုပါတယ်။
လေးဝတီFM
