တိုက်ပွဲပြန်းထန်နေတဲ့ နပခဌာနချုပ်ရှိရာ အမ်းမြို့ပေါ်ရပ်ကွက်တစ်ခုဖြစ်တဲ့ အောက်ရွာရပ်ကွက်မှာ အာရက္ခတပ်တော်(AA)နှင့်စစ်ကောင်စီတို့

အနီးကပ်တိုက်ပွဲ ဖြစ်နေပြီး ဂျက်ဖိုက်တာနဲ့ လာရောက်ဗုံးကြဲနေတဲ့ အတွက် အောက်ရွာရပ်ကွက်က ဘုန်းကြီးကျောင်းပျက်စီးသွားတယ်လို့ မြေပြင်သတင်းရရှိပါတယ်။

အာရက္ခတပ်တော် AA ရဲ့ ထိုးစစ်ဟာ နပခ ဌာနချုပ် နဲ့ မျက်နှာချင်းဆိုင် ကို ရောက်ရှိလာပြီး အမ်းမြို့ပေါ်ရပ်ကွက် ဖြစ်တဲ့ အောက်ရွာမှာ ခံစစ်ပြင်ထားတဲ့ စစ်ကောင်စီတပ်တွေ နဲ့ အနီးကပ်တိုက်ပွဲပြင်းထန်နေတာ ဖြစ်ပါတယ်။

အနီးကပ် တိုက်ပွဲအတွင်းမှာ စစ်ကောင်စီတပ်တွေ ထိခိုက်သေဆုံးမှုများနေတဲ့အတွက် အဲ့ဒီရပ်ကွက်ကို ‌စစ်ကောင်စီက ဂျက်တိုက်လေယာဉ်နဲ့ ဗုံးကြဲသွားတယ်လို့ ပြောပါတယ်။

ဒေသခံသတင်းရင်းမြစ်က”အခုကတိုက်ပွဲလည်းဖြစ်နေတယ်။ ရွာသားတွေကဘေးလွတ်ရာ ကို ပြေးနေကြရတယ်”လို့ ပြောပါတယ်။

စစ်ကောင်စီသည် လေကြောင်း၊ဒရုန်း၊လက်နက်ကြီးနဲ့ တပ်ဖွဲ့ဝင်အင်အား အများအပြားတိုးချပြီး ခုခံနေပေမယ့် AA ထိုးစစ်ဟာ နပခဌာန ချုပ် ရဲ့ အဓိက ဝင်ပေါက်အနား အထိ ရောက်ရှိလာပြီဖြစ်ပါတယ်။

အဲ့ဒီမြို့ပေါ်ရပ်ကွက်တွေထဲမှာ ဒေသခံတွေလည်း ထောင်နဲ့ချီပြီ အနီးကပ်တိုက်ပွဲ အတွင်း ပိတ်မိနေဆဲ ဖြစ်ပါတယ်။

နပခ-အနောက်ပိုင်းတိုင်း စစ်ဌာနချုပ် ၊ ဆလအခွဲ (၉၄၆) – အမှတ် (၉၄၆) ဆောက်လုပ်ရေးအင်ဂျင်နီယာတပ်ခွဲ ၊ ခမရ (၃၇၁) -အမှတ် (၃၇၁) ခြေမြန်တပ်ရင်း၊ ခမရ (၃၇၂) – အမှတ် (၃၇၂) ခြေမြန်တပ်ရင်း၊ လလစ (၇၅၇/၂) – အမှတ် (၇၅၇/၂) လျှပ်စစ်အလုပ်ရုံတပ်ခွဲ ၊ ထပခ (၉၂၆) – အမှတ် (၉၂၆) ထောက်ပံ့နှင့်ပို့ဆောင်ရေးတပ်ခွဲ ၊ ဆသလ (၉) – အမှတ် (၉) ဆက်သွယ်ရေးလုံခြုံမှုတပ်ရင်း ၊ အဆရ (၈) – အမှတ် (၈) အဆင့်မြင့်ဆက်သွယ်ရေးတပ်ရင်း ၊ တထခ (၁၀) – အမှတ် (၁၀) တပ်ထိန်းတပ်ခွဲ ၊ စအရ (၉၁၉) – အမှတ် (၉၁၉) စစ်မြေပြင်အင်ဂျင်နီယာတပ်ရင်း တို့ ကို သိမ်းပိုက်နိုင်ရေး ဆက်လက်ထိုးစစ်ဆင်နေတယ်လို့ အာရက္ခတပ်တော် AA ဘက် က ထုတ်ပြန်ထားပါတယ်။

အဉ္စနလီညှင်း(LaywaddyFM)ရေးသည်။